Merr flakë shtëpia në Pogradec, vdes 42-vjeçari! I vëllai: Kur u zgjuam dhoma e tij ishte djegur! Zjarrfikësit erdhën në këmbë, kishte ngrirë rruga

42-vjeçar Nardi Xhukellari ka ndërruar jetë mëngjesin e sotëm, pas një zjarri të rënë shtëpinë ku ai banonte, në fshatin Vërdovë të Pogradecit.

Shtëpia e djegur është përfshirë në flakë rreth orës 06:00 të mëngjesit. 42 vjeçari jetonte në katin e dytë të një ndërtesë e cila ishte e braktisur dhe e rrënuar.

Burime nga policia bëjnë të ditur për Report Tv se ai vuante nga probleme të shëndetit mendor. Vëllai i të ndjerit ka thënë se kur është zgjuar në mëngjes nga gruaja e tij, ka parë se dhoma e vëllait ishte djegur komplet. Në pamundësi për ta shpëtuar të vëllanë, ai thotë se kanë marrë fëmijët dhe kanë dalë nga shtëpia. 

Ka njoftuar punonjësit e zjarrfikëses, të cilët kanë shkuar në këmbë sepse rruga kishte ngrirë prej dëborës dhe makina e tyre rrëshqiste.

Zjarri ka rënë fillimisht në katin e dytë të shtëpisë në të cilën jetonte 42 vjeçari, i cili për pasojë ka gjetur vdekjen pasi është asfiksuar. Vëllai i 42 vjeçarit dyshon se shkak i zjarrit ka qenë një shkëndijë elektrike, ndërkaq grupi hetimor dhe shërbimet e zjarrfikëses po vijojnë hetimet.

“Më datë 18.01.2021, rreth orës 06:00, në fshatin Vërdovë, Pogradec, ka rënë zjarr në një banesë, në katin e dytë të së cilës jetonte i vetëm shtetasi N. Xh., 42 vjeç, i cili për pasojë ka gjetur vdekjen. Grupi hetimor dhe shërbimet e zjarrfikëses ndodhen në vendngjarje, ku po punohet për të përcaktuar shkaqet e rënies së zjarrit dhe zbardhjen e rrethanave të ngjarjes”, thotë policia.

Rendit zhvillimet sipas orarit:
Ora 11:06
Djegia e shtëpisë në Pogradec/ Flet vëllai i 42 vjeçarit që ndërroi jetë: Kur u zgjuam dhoma e tij ishte djegur! S’bënim dot gjë për ta shpëtuar

Flet vëllai i 42-vjeçarit Nardi Xhukellari i cili ka ndërruar jetë mëngjesin e sotëm, pas një zjarri të rënë shtëpinë ku ai banonte, në fshatin Vërdovë të Pogradecit.

Ai thotë se kur është zgjuar në mëngjes nga gruaja e tij, ka parë se dhoma e vëllait ishte djegur komplet.

Menjëherë më pas ai thotë se kanë marrë fëmijët dhe kanë dalë nga shtëpia.

Punonjësit e zjarrfikëses ai shton se kanë shkuar në këmbë sepse vendi kishte ngrirë prej dëborës.

“Nga ora 4 e mëngjesit më zgjon nusja mua më thotë zgjohu se po bën zhurmë. Kur hap derën shikoj katin e dytë që ishte kapluar nga flakët. Lart banonte vëllai dhe dhoma e tij ishte djegur komplet. Dera jashtë kishe marrë flakë. Sapo e pamë sbënim dot gjë për të shpëtuar vëllain, morëm fëmijët dhe dolëm direkt jashtë dhe smorëm dot asgjë tjetër. Morëm zjarrfikësen erdhën  dhe e panë ngjarjes.

Punonjësit erdhen në këmbë për shkak se kishte ngrirë rruga dhe zjarrfikësja xhironte më lart. Skemi marrë dot as rrobat e fëmijëve i kemi nxjerrë zvathur. Mendoj se nga korenti e kemi sepse ka bërë masë. Kjo është pakujdesi e vëllait tim sepse ai vuante nga një sëmundje e rrallë dhe nuk ishte shumë i përgjegjshëm për veten e tij”, tha ai.

 

 

Ora 08:04
Djegia e shtëpisë në Pogradec/ 42 vjeçari që ndërroi jetë me probleme mendore, jetonte vetëm në një banesë të rrënuar

Detaje të reja nga ngjarja në Pogradec ku ka ndërruar jetë një 42-vjeçar Nardi Xhukellari pasi shtëpia ku banonte është përfshirë në flakë.

42 vjecari jetonte i vetem dhe ndërtesa ishte e braktisur dhe e rrënuar.

Dyshohet paraprakisht se shkak ka qenë një shkendijë elektirke.

Burime nga policia bëjnë të ditur për Report Tv se 42 vjeçari vuante nga probleme te shëndetit mendor.

 

 

Be.K./Shqiptarja.com
  • Sondazhi i ditës:

    Shifrat e të infektuarve dhe të vdekurve nga Covid-19 mbeten të larta! Çfarë masash duhen të marrin ekspertët?

Komento


×

Lajmi i fundit

John

Ndryshon Reforma në Drejtësi, në dorë të SPAK vetëm ‘peshqit’ e mëdhenj, caktohet paga e hetuesve të BKH, lehtësohen Gjykata e Lartë e Kushtetuesja