DURRES- Një zjarr ka përfshirë Spitalin e Durrësit rreth orës 00:25 të mëngjesit të sotëm. Dyshohet se shkak i flakëve është bërë një masë në kabinën elektrike prej ngarkesës në rrjet. Zjarri ka rënë fillimisht në katin e parë, tek reparti i neurologjisë, dhe më pas ka vijuar deri në katin e katërt për shkak të strukturës me një kolonë të spitalit.
Zjarrfikëset kanë mbërritur menjëherë në vendngjarje për shuarjen e flakëve, ndërkaq punonjësit e spitalit kanë evakuuar menjëherë rreth 120 pacientë nga repartet e tjera drejt atij të kirurgjisë, ndërsa 5 prej tyre janë dërguar drej Tiranës pasi kishin nevojë për oksigjenim Në evakuimin e pacientëve kanë ndihmuar edhe efektivë të ruajtjes së rendit publik, ndërsa gjysma e Spitalit të Durrësit ka mbetur pa energji elektrike.
Lidhur me këtë ngjarje, Prokuroria e Durrësit ka nisur hetimet, duke sekuestruar dosjet e rrjetit, ndërhyrjet dhe raportet e mirëmbajtjes së paneleve që u shkrumbuan nga flakët.
Specialistët shkuan në vendngjarje për zbulimin e shkakut të zjarrit. Në një intervistë për Report Tv, inxhinieri elektrik i Spitalit të Durrësit, Edmond Palodhi është shprehur se flakët nuk kanë qenë të mëdha dhe se ka pasur më tepër tym dhe ndotje të ajrit nga djegia e kabujve.
Kjo është hera e tretë që spitali i Durrësit përfshihet nga flakët, që nga ndërtimi i tij. Gazetari Artur Korriku raporton se dy rastet e para, flakët kanë qenë më të mëdha dhe kanë sjellë akoma më shumë dëme.
Drejtoresha spitalit të Durrësit Nadire Jani në një intervistë për gazetarin e Report Tv Arsen Rusta është shprehur se ngrohja e spitalit bëhet me kaldajë, ndërsa nuk ka përjashtuar se mund të ketë pacientë që përdorin rezistencat në dhomat e tyre, duke rritur rrezikun për një zjarr të mundshëm. Ajo tha se shkak i rënies së flakëve ka qenë shkëndija elektrike. Jani shtoi se pavijoni i neurologjisë tashmë është pastruar dhe pacientët janë gati për t'u futur brenda.
"Unë u njoftova nga mjeku i urgjencës dhe direkt erdha. I gjithë stafi erdhi. Bëmë organizimin dhe bëmë evakuimin e pacientëve. Brenda 20 minutave kemi nxjerrë 120 pacientë. Pacientët për momentin janë nëpër shërbimet e spitalit. Ne po presim që policia të mbarojë pjesën e vet procedurale. Specialistët thonë se ka pasur një shkëndijë elektrike. Pavijoni i katit të parë, neurologjia ka përfunduar dhe pacientët janë gati për t'u futur. Situatë zjarri ka pasur edhe më herët. Kemi një sektor mirëmbajtjesh në spital që funksionon brenda normave. Nuk ka një rikonstruksion total por kontrolle periodike. Edhe korridoret kanë ngrohje me kaldajë që nga 15 nëntori. Nuk përjashtohet që kanë rezistenca. I kam tërhequr vëmendjen shpesh herë për rezistencat. Personeli punon me xhaketë, pra nuk është ftohtë. Është problem ana e djathtë e godinës. Ana e majtë mund të funksionojë plotësisht. Spitali në këto kushte mund të punojë. Në planifikimin e buxhetit që do vijë do e fusim këtë plan tek emergjencat. Spitali është i siguruar dhe ajo do ndërhyjë bashkë me ne", tha Jani.
Një paciente e cila ka qenë e shtruar në katin e katërt të Spitalit të Durrësit në momentin e rënies së flakëve, ka treguar momentin e para të kësaj ngjarjeje. Ajo ka treguar se ka qenë në gjumë në momentin e ngjarjes dhe se janë bllokuar nga tymi, por kanë arritur të dalin përmes shkallëve të emergjencës, përmes ndihmës të personelit mjekësor.
"Isha katin e katërt. Ishte e papritur. Nuk dimë as vetë si ta themi. Ishim në gjumë. Tymi na bllokoi. Ishim katër veta. Ndihmuan njëherë njëra tjetrën pastaj erdhën edhe mjekët. Na ndihmuan dolëm nga shkallët metalike. Tano do iki në banesë. Na kanë thënë se do rikthehemi të hënën. Kishim frikë se ishin gjumë. Nuk është faji i askujt është fati. Të gjithë kanë qenë në gatishmëri", deklaroi pacientja.
Shkallët metalike të emergjencës kanë bërë të mundur shpëtimin e pacientëve gjatë kohës së përfshirjeve nga flakët të spitalit të Durrësit. Shkallët të cilat ndodhen në anën e jashtme të godinës duke i krijuar mundësi pacientëve të largohen me urgjencë.
Policia e Durrësit ka reaguar pas përfshirjes nga flakët të Spitalit të Durrësit, ngjarje e ndodhur në orët e para të mëngjesit të sotëm. Policia njofton se zjarrit dyshohet se ka ardhur si pasojë e përfshirjes nga flakët të katër kabinave elektrike të katër kateve, fillimisht në katin e parë.
Njoftimi i plotë
Më datë 11.01.2020, në orën 00:25, në repartin e ortopedisë në spitalin e Durrësit, ka rënë zjarr, i cili ka përfshirë kabinat elektrike të pavijonit.
Menjëherë kanë shkuar forcat e Policisë dhe zjarrfikësit.
Shërbimet e Policisë, zjarrfikësit dhe personeli kanë bërë të mundur evakuimin e të gjithë pacientëve nga të katër katet e pavijonit duke i transferuar në një pavijon tjetër.
Si pasojë e zjarrit janë asfiksuar 5 pacientë, të cilët janë dërguar në spitalin e traumës në Tiranë, për mjekim të specializuar dhe ndodhen jashtë rrezikut për jetën.
Nga veprimet e para hetimore rezulton se shkaku i zjarrit ka ardhur si pasojë e përfshirjes nga zjarri të katër kabinave elektrike të katër kateve, ku zjarri fillimisht ka nisur në katin e parë dhe ka vazhduar deri në katin e katërt.
Grupi hetimor, nën drejtimin e prokurorisë po vijon punën për zbardhjen e plotë të shkakut të përfshirjes së kabinave elektrike nga zjarri.
Xhamat e spitalit të Durrësit janë thyer gjatë momentit të përfshirjes së flakëve, nga pacientët të cilët kanë nxituar ta hapin dyer për të lënë ndërtesën.
Drejtoresha spitalit të Durrësit Nadire Jani ka deklaruar për media se shkak për zjarrin që ka përfshirë spitalin e Durrësit ka qenë një shkëndijë elektrike, kjo për shkak se i gjithë spitali ngrohet me anë të kaldajave. Ajo tha se pacientët janë në gjendjen e mëparshme dhe kanë pasur përkeqësime apo dëmtime si pasojë e rënies së flakëve.
"Mendohet se rreth orës 12:25 të natës ka pasur një shkëndijë elektrike në panelin e katit të parë, duke sjell edhe flakët. Gjithë stafi është mobilizuar duke evakuuar pacientët që kanë qenë të paktën 100. Ata janë akomoduar të gjithë .Në Tiranë kanë ikur 5 pacientë, ikën në momentin e parë sepse kishin më shumë probleme për pjesën e oksigjenit. Janë në atë situatë që kanë qenë nuk kanë pasur përkeqësime. Spitali ngrohet gjithë kohën me kaldajë kështu që mendohet se ka ardhur për shkak të shkëndijës elektrike. Gjysma e spitalit funksionon, nuk ka probleme. Pas mbarimit të hetimeve ne do futemi ta pastrojmë. Pjesa tjetër do rregullohet paneli dhe do të futemi. Situata është nën kontroll", përfundoi ajo.
Prokuroria e Durrësit ka nisur hetimet lidhur me përfshirjen nga flakët të Spitalit të Durrësit. Grupi i hetimit ka sekuestruar dosjet e rrjetit, ndërhyrjet dhe raportet e mirëmbajtjes së paneleve që u shkrumbuan nga flakët. Mësohet se në krye të këtyre hetimeve është prokurorja Pranvera Gruda. Prokuroria ka kërkuar edhe raportin e kolaudimit të bombulave të shuarjes së zjarrit, planin e emergjencës dhe informacion nëse ka apo jo sistem sensorësh për zjarrin. Ky hetim vjen pas një rasti të përsëritur të kësaj ngjarjeje. Kjo është hera e tretë që spitali i Durrësit përfshihet nga flakët.
Si pasojë e rënies së flakëve në spitalin e Durrësit, janë zhvendosur të gjithë pacientët e neurologjisë dhe kirurgjisë, ndërsa 5 prej tyre janë dërguar në Tiranë, pasi kishin nevojë për oksigjenim. Gjendja e tyre shëndetësore është e stabilizuar, dhe zhvendosja e tyre drejt Tiranës është pjesë e masave që ka marrë spitali i Durrësit për të normalizuar situatën.
Report Tv sjell pamje nga spitali i Durrësit, pas përfshirjes nga flakët. Pacientë dhe familjarë kanë dalë jashtë nga dhomat për të shmangur qëndrimin në zonën e mbuluar nga tymi si pasojë e djegies së kabujve.
Në një intervistë për Report Tv, inxhinieri elektrik i Spitalit të Durrësit, Edmond Palodhi është shprehur se flakët nuk kanë qenë të mëdha dhe se ka pasur më tepër tym dhe ndotje të ajrit nga djegia e kabujve.
“Zjarri ka rënë nga ngarkesa në rrjetin elektrik për shkak të stinës dhe ngrohseve në ambientet e spitalit. Zjarri si fillim ka rënë në katin e parë tek pavioni i neurologjisë dhe më pas, meqënse janë me një kolonë të gjithë katet e rrjetit, ka avancuar në kat të dytë, të tretë dhe të katërt.
Për evakuimin e të sëmurëve është vepruar në mënyrë të shpejt nga personeli për arsye se janë edhe shkallët e emergjencës dhe zjarri nuk ishte i përmasave të mëdha. Ishte thjesht tym dhe ndotja e ajrit nga djegia e elementëve që përbëjnë kabujt elektrik”, shprehet inxhinieri.
I pyetur se nëse kërkon kohë rregullimi i dëmeve, inxhinieri elektrik i Spitalit të Durrësit përgjigjet se: “Po, kërkon kohë riparimi i dëmeve sepse janë gjithsej katër kate. Po ashtu duhen ndryshuar panelet sepse janë djegur, janë të këputura.”
Komente
Lajme të tjera
-
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
VIDEO/ Merr flakë banesa në katin e parë të një pallati në Sarandë, fqinjët shpëtojnë të moshuarën që jetonte aty
15 Dhjetor, 16:46 -
Lushnjë/ Shkrumbohet dyqani në fshatin Delisufaj, shkak shkëndija elektrike
13 Dhjetor, 13:43 -
Zjarri përfshin një banesë në Korçë, shkak dyshohet shkëndija elektrike, flasin banorët: U frikësuam se u bë gjithë tym, një grua përfundoi në spital, u asfiksua nga tymi
11 Dhjetor, 19:21 -
Rrjedh bombola e gazit, shkrumbohet dyqani në Vlorë
4 Dhjetor, 13:29 -
Pukë/ Punëtori i vë aksidentalisht flakën servisit duke salduar! Digjet automjeti, plagoset edhe vetë
2 Dhjetor, 19:51 -
Kurbin/ Zjarri në fabrikën e këpucëve në Shullaz, shkak dyshohet të jetë një shkëndijë elektrike
30 Nëntor, 11:34 -
Lezhë/ Zjarr në fabrikën e këpucëve në Kurbin, vihet nën kontroll pas 4 orësh, digjet magazina e vajrave (VIDEO)
29 Nëntor, 22:04
-
Merr flakë gjithë lagjja në Filipine, digjen mbi 1000 banesa, zhvendosen 8 mijë banorë (VIDEO)
25 Nëntor, 20:35 -
Ersekë/ Flakët shkrumbojnë magazinën me bazë ushqimore, 2 zjarrfikëse në vendngjarje për të shmangur përhapjen e vatrës në banesa (FOTOT)
24 Nëntor, 19:15 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31
Mund te ndertosh gjera moderne por duhet tju permbahesh standarteve evropjane per mirembajtjen e tyre.Nejse pune shqiptaresh!Keshtu do jete ky vend edhe pas njeqind vjetesh!Kultura nuk futet me zor tek nje popull.Plus qe firmat duan pune dhe kenaqen per keto ngjarje.
PërgjigjuMjerisht te gjitha zjarrevenjet ne spiale, fusha tona me ullinj plantazhe me agrume sptalet tona fabrikat e kane nje emer; SABOTAZH kunder popullin tone te pambrojtur nga sigurimi i shtetit. Te jemi me vigjilent kunder armiqeve tane.
PërgjigjuKomenti Hasanit
Përgjigjukabul vllai kabul...
PërgjigjuUN JAM O MENDIMIT PO DHE SA MÊ SHPEJT ZGJEDHJET E PARAKOHESHME DUKE I BER NUK ZGJEDHJET NJÊ PARTIAKE QÊ JAN NJÊ TURP DHE KRIM NDAJ NJÊ VENDI QÊ KERKON BASHKIMIN EUROPEAN
PërgjigjuEdhe une mendoj qe zgjedhjet jane zgjidhjet per zjarret, termetet dhe fenomenet e tjera natyrore.