Shkrumbohet nga flakët trageti i linjës Greqi-Itali me 239 pasagjerë! Shpëtohen 2 të bllokuar, ende 12 të zhdukur, evakuohen personat e tjerë në bord (VIDEO)

Dy pasagjerët e bllokuar në kabinat e anijes, u nxorën të gjallë nga grupet e shpëtimit. Operacioni i shpëtimit ka zgjatur shumë orë, ndërsa një nga dy të shpëtuarit është intubuar.

Të dy thuhet se kanë probleme me frymëmarrjen për shkak të tymit që kanë thithur.

Dy anijet të Forcës Detare shqiptare i janë bashkuar përpjekjeve për shuarjen zjarrit në tragetin e linjës Brindizi-Gumenicë të përfshirë nga flakët mbrëmjen e djeshme në det.

Kështu bëri me dije Ministri i Mbrojtjes, Niko Peleshi i cili shkruan në Facebook se Fillimisht zjarri ka rënë jashtë ujërave tona territorial, por tashmë operacioni po kryhet në ujërat tona territorial, 5 milje larg Porto Palermos.

Në operacionin që po drejtohet nga pala greke janë angazhuar edhe anijet e Forcës sonë Detare, Butrinti dhe ajo patrulluese R-117.

Njeri prej pasagjerëve të evakuuar nga trageti që u përfshi nga flakët orët e para të mëngjesit të sotëm, tha se janë djegur shoferë grekë.

Ai sqaroi se shumë nga pasagjerët kanë zgjedhur të qëndrojnë brenda makinave të tyre. Kjo pasi nëpër kabina nuk respektohet masa anti-COVID e limitit të njerëzve në një kabinë që është dy, por në fakt ata hynë nga 4.

“Janë djegur shoferë grekë, sepse ata i zuri gjumi brenda në makinë. E dini pse? Sepse në kabinë futen nga 4 persona, ndërkohë që sipas masave anti-COVID duhet të hynë nga 2”, tha ai për mediat greke.

Zjarri i madh që “mbështolli” tragetin 'Euroferry Olympia' tashmë është vënë nën kontroll, por tymi i zi ka mbuluar zonën përreth.

Pamjet e publikuara nga mediat greke janë të frikshme, ndërsa kujtojmë se dy persona janë ende të bllokuar në garazhin e tragetit.

Tymi nga trageti 'Euroferry Olympia' i cili u përfshi nga flakët orët e para të mëngjesit vijon ende.

Report Tv ka siguruar pamje nga trageti në mes të ujërave shqiptaro-greke, ku shihet qartë se tymi ende nuk ka ndaluar.

Mediat greke raportojnë se dy persona janë të bllokuar brenda tragetit të 'Euroferry Olympia', duke luftuar me zjarrin. Duket se deri në këto momente ata janë në gjendje të qëndrueshme shëndetësore, pasi kanë arritur të komunikojnë me forcat e shpëtimit.

Momente tmerri kanë përjetuar pasagjerët e tragetit që u përfshi nga flakët orët e para të mëngjesit të sotëm.

Njëri prej pasagjerëve tha për mediat greke që ekuipazhi reagoi në kohë për evakuimin e tyre dhe se nëse gjithçka nuk do të ishte bërë në mënyrë do organizuar ata tashmë do të ishin përfshirë nga flakët.

“Nëse ekuipazhi nuk do të kishte reaguar menjëherë, nuk e di se çfarë do të kishte ndodhur, ndoshta zjarri do na kishte kapluar. Flakët u shfaqen në pjesën sipërfaqësore të anijes kur ne ishim larguar prej saj. Atëherë dëgjuam dhe shpërthimet. Ekuipazhi ishte i organizuar dhe i trajnuar, këtë e kuptova”, tha për mediat greke një pasagjer.

“Ajo që përjetuam ishte një makth”, tha një tjetër.

Në pamjet që shikoni është trageti i linjës Greqi-Itali i cili po digjet nga flakët të cilat shpërthyen mëngjesin e sotëm por fatmirësisht pa të lënduar. Në bord ishin 237 pasagjerë ndërsa 51 ishin anëtarë të ekuipazhit të cilët janë evakuuar nga tre varka. Lajmin e ka bërë me dije policia portuale greke, e cila ka kontaktuar rojet bregdetare italiane.