POP 5

Lajmet më të lexuara të 5 minutave të fundit

Kronikë

Zjarr te një pallat te Fresku në Tiranë! Momenti kur zjarrfikësit shpëtojnë nga flakët banorët brenda shtëpive! 3 në spital, mes tyre një fëmijë! Shkak dyshohet bombola e gazit (VIDEO)

Kati i dytë i një pallati është përfshirë nga flakët në zonën e Freskut në Tiranë, në rrugën 'Fadil Deliu' dhe për pasojë kanë mbetur të lënduar 3 banorë, mes tyre edhe një fëmijë të cilët janë dërguar për mjekim në spital

TIRANË- Kati i dytë i një pallati 5 katësh është përfshirë nga flakët në zonën e Freskut në Tiranë, në rrugën 'Fadil Deliu'. Shkak për zjarrin, i cili tashmë është neutralizuar, është bërë rrjedhja e një bombole gazi. Tre banorë të pallatit kanë mbetur të lënduar dhe janë dërguar në spital, mes tyre edhe një fëmijë, si pasojë e asfiksimit nga tymi, ndërkohë që raportohet për dëme të shumta materiale. 

Për fikjen e flakëve është dashur ndërhyrja e katër forcave zjarrfikëse, të cilat kanë bërë të mundur edhe evakuuimin e banorëve nga pallati ndërmjet shkallëve të jashtme. Nga pamjet e siguruar nga Report Tv, shihet momenti kur shpëtohet një fëmijë nga flakët dhe niset me ambulancë në spital, ndërkohë që edhe banorë të tjerë u evakuuan. Një banor u shpreh se çdo gjë ndodhi brenda pak minutave dhe flakët dhe tymi përfshinë apartamentet e tyre, ndërkohë që u shpëtuan nga policia.

'Me datë 17.11.2021, rreth orës 18:20 në rrugën "Fadil Deliu", ka rënë zjarr në katin e dytë të një pallati, ku ka vetëm dëme materiale. Sherbimet e Policisë bënë evakumin e menjehershëm të banorëve të pallatit. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.'- njofton policia.

Rendit zhvillimet sipas orarit:
Ora 19:34
Zjarri në pallatin te 'Fresku', flet banori: Dëgjuam të bërtitura, policët erdhën dhe na nxorën nga banesa

Flakët  janë neutralizuar në pallatin që u përfshi nga flakët në zonën e Freskut në Tiranë, ndërkohë që 3 banorë kanë përfunduar në spital për shkak të asfiksimit nga tymi. Një nga banorët e pallatit tha se dëgjuan të bërtitura dhe se efektivët e policisë i nxorën nga banesa me nxitim.

'Erdhën forcat zjarrfikëse dhe policia e na nxorën nga banesa dhe ne dolëm me nxitim! Dëgjuam shumë të bërtitura dhe kishte shumë tym brenda'- tha një nga banorët për Report Tv.

M.Q./Shqiptarja.com

Ora 18:38
VIDEO/ Në duart e zjarrfikësve, momenti kur shpëtohet një fëmijë nga flakët që i përfshinë apartamentin

Ndërsa flakët kishin përfshirë apartamentin, ky është momenti kur fëmija i vogël i ka shpëtuar zjarrit. ‘Report Tv’ ka siguruar videon e fëmijës i cili ndodhet në duart e zjarrfikësve pas shpëtimit.

SI.E./Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Vlorë/ Makina plagos të miturin në Lungomare

Vlorë/ Makina plagos të miturin në Lungomare

23 Korrik, 14:12