Zjarre masive në Portugali, mbi 700 zjarrëfikës në luftë me flakët/VIDEO

Më shumë se 700 zjarrfikës janë duke luftuar me flakët në Portugalinë Jugore, pasi vendi është përfshirë nga një zjarr masiv, si pasojë e temperaturave rekord të regjistruara në Portugali. Vala e nxehtë që ka përfshirë europën gjatë javëve të fundit, përveç thatësirës ka nxitur edhe zjarre në të gjithë kontinentin.

Temperaturat mbi 46 ° C në Spanjë dhe Portugali pritet të vazhdojnë të paktën deri të dielën. Agjencia e Mbrojtjes Civile në Portugali ka nisur fushatën sensibilizuese të paralajmërimit të qytetarëve përmes mesazheve në celular mbi rrezikun ekstrem të zjarrit në disa zona, në mënyrë që të shmangen humbjet e jetëve të njerëzve.


Zjarri në Portugali

Vitin e kaluar dhjetëra njerëz humbën jetën, si pasojë e zjarreve masive në Portugali. Zjarri masiv i aktivizuar në rajonin jugor të Algarve, ka djegur më shumë se 1,000 hektarë pyje duke bërë që një fshat i tërë të evakuohet. Ndërkohë në Spanjë, dy persona humbën jetën, si pasojë e goditjes nga i nxehti në rajonin juglindor të Murcias, ndërsa një i tretë i pastrehë vdiq në Barcelonë. Temperaturat pritet të arrijnë 45C në qytetin jugor të Kordovës.

Gjitashtu bëhet e ditur se zjarre janë ndezur edhe në Spanjën jugore, dhe pranë kryeqytetit Madrid. Ndërsa në Francë katër reaktorë bërthamorë u detyruan të mbylleshin për shkak të nxehtësisë, në holandë disa rrugë u mbyllën si pasojë e shkrirjes së asfaltit nga vapë. Në Suedi temperaturat kanë filluar një rënie të lëhtë pas motit më të nxhetë të 250 viteve që përfshiu vendin, i cili shkaktoi dhjetëra zjarre.

LEXO EDHE:
VIDEO/ Vatër zjarri në Nartë të Vlorës

TAG:
• zjarr
• Portugali
• temperatura rekord

Sondazhi i ditës:

A ka politika frikë nga SPAK-u?

• Po

  68.5%

• Jo

  26.7%

• Nuk e di

  4.8%

Vota total: 2221

• Sondazhi i ditës:

  A ka politika frikë nga SPAK-u?

  Po Jo Nuk e di