Zjarret/ 11 vatra zjarri aktive në vend! Vijojnë të jenë aktive flakët në Parkun kombëtar të Prespës në Malin e Thatë
Zjarrfikës duke punuar për të shuar flakët
Tirane- Ministria e Mbrojtjes bën me dije se në 24 orët e fundit janë shënuar 47 vatra zjarri, nga të cilat është bërë e mundur shuarja e 36 prej tyre, ndërsa 11 vatra vijojnë të mbeten aktive.
Në Parkun Kombëtar të Prespës në Malin e Thatë, strukturat vendore kanë punuar pa ndërprerje për izolimin e vatrës së zjarrit. Zjarri vazhdon aktiv, për shkak të terrenit të vështirë.
Në qarkun e Tropojës, janë aktive dy vatra zjarri: në zonat pyjore të fshatit Rajë dhe Geghysen si dhe në fshatin Çeren, ku vatra e zjarrit pranë Parkut Kombëtar të Alpeve është përhapur dhe terreni i thepisur vështirëson ndërhyrjen.
Vatrat aktive
-Në fshatin Kus, të njësisë administrative Bërzhitë, vijon puna për shuarjen e zjarrit në Malin Lugë. Vatra është e izoluar dhe nuk paraqet rrezik për përhapje.
-Në fshatin Tërnovë në bashkinë e Bulqizës, vatra e zjarrit vijon të jetë aktive pavarësisht përpjekjeve të shumta nga forcat në terren për ta vënë nën kontroll.
-Në fshatin Selixë të bashkisë së Matit zjarri është aktiv në dy vatra. Për shkak të erës së fortë, izolimi ende nuk është arritur.
-Në fshatin Skuraj, në bashkinë e Kurbinit, nuk ka zjarr të hapur, por tymi vijon si rezultat i djegies së humusit nën bimësi.
-Në vendin e quajtur Mali i Pusit, përballë fshatit Zhulat dhe mbi fshatin Sotirë, në bashkinë e Dropullit situata paraqitet e vështirë për shkak të terrenit, ku zjarri aktiv ka kaluar në kurorën me pisha. Forcat vendore janë në monitorim të situatës.
-Në fshatin Kostar, në bashkinë e Finiqit dhe në fshatin Mërtiraj të bashkisë Selenicë, zjarri vijon të mbetet aktiv por nuk paraqet rrezik për banesat. Po punohet intensivisht për shuarjen e tij.
“Nën bashkërendimin e Agjencisë Kombëtare të Mbrojtjes Civile, Forcat tona të Armatosura kanë përforcuar përpjekjet e ekipeve të pushtetit vendor, dhe kanë izoluar vatra të rrezikshme në terrene të vështira’ shkruan ministria e Mbrojtjes.
S.G/Shqiptarja.com
Sondazhi i ditës:
Shqipëria dy medalje bronzi në Lojërat Olimpike, e kujt është merita?
-
E sportistëve
84.1%
-
E Komitetit Olimpik
13.3%
-
E qeverisë
2.6%
Vota total: 6492
Votat totale janë unike
Lajme të tjera
-
Hapet pas 32 vitesh tuneli nënujor i Porto Palermos, Rama: Rijetëzojmë godinat ushtarake e muze për Luftën e Ftohtë, e kthejmë destinacion turistik
11 Gusht, 07:39
-
8 vatra aktive zjarri në të gjithë vendin, Ministria e Mbrojtjes: Nuk paraqesin rrezik për zonat e banuara
7 Gusht, 18:47
-
Zjarret në vend/ Mbrojtja Civile: 8 vatra janë shuar, 11 aktive
4 Gusht, 16:44
-
FOTOT/ Pilotët stërvitje në kushte të vështira, dronët 'Bayraktar' zhvillojnë fluturimet e para natën
3 Gusht, 09:16
-
Zjarret/ Ministri Vengu në Qendrën Operacionale të Mbrojtjes Civile: Bashkëpunimi me Bashkitë dhe modernizimi i mjeteve, me rëndësi për reagim të shpejtë
2 Gusht, 08:44
-
Zjarret në vend/ Ministria e Mbrojtjes publikon të dhënat e fundit: 33 vatra janë shuar gjatë 24 orëve, 6 aktive
1 Gusht, 10:44
-
Zjarret në vend, Ministria e Mbrojtjes: 5 vatra ende aktive! U bë i mundur izolimi i 19 gjatë 24 orëve
27 Korrik, 10:53
-
Situata e zjarreve në vend, ministria e Mbrojtjes: 21 vatra në 24 orët e fundit, 18 u shuan
23 Korrik, 11:37
-
Efektivët e FA 'në luftë' me flakët, u bashkohen forcave operacionale për shuarjen e zjarreve
19 Korrik, 10:18
-
Zjarret në vend/ Ministria e Mbrojtjes: Shuhen flakët në Dropull! Vazhdon operacioni pranë liqeneve të Lurës
12 Korrik, 18:15
-
Situata e zjarreve në vend, Ministria e Mbrojtjes: 3 vatra aktive në Delvinë, Gjirokastër dhe në Liqenet e Lurës
12 Korrik, 10:01
-
Situata e zjarreve në vend, Ministria e Mbrojtjes: Në 24 orë u raportuan 23 vatra, vetëm 2 janë aktive
11 Korrik, 11:03