‘Mbrojtja’: Riaktivizohet zjarri në Thirrë të Mirditës, flakët drejt fshatit Gështenjas, mund të rrezikohen banesa! Aktive disa vatra në Tiranë, Berat, Pukë

Është riaktivizuar sërish vatra e zjarrit në fshatin Thirrë në Mirditë. Kështu bën me dije ministria e Mbrojtjes ndërsa bën bilancin për situatën e tanishme të zjarreve në vend.

Zjarri në fshatin Patalej, njësia administrative Kolsh, sipas ministrisë është normalizuar pas ndërhyrjes së helikopterit. Një vatër zjarri është konstatuar në një sipërfaqe me shkurre, pisha e dushqe në fshatin Mbreshtan, bashkia Kolonjë, por nuk ka rrezik për banorë.

Përsa i përket shpërthimeve në bashkinë Dropull, ministria thotë se ende nuk janë konfirmuar nëse mund të kenë qenë granata të Luftës së Dytë Botërore apo bombola gazi në një grumbull mbeturinash. Zjarri në afërsi të fshatit Shemri në vendin Kodrat e Lakut të Mollës, njësia administrative Malzi, bashkia Kukës sipas "Mbrojtjes" po mbahet nën kontroll ndërsa po punohet edhe nga ajri me helikopter.

Një vatër zjarri është aktive në Malin e Tërbunit, bashkia Pukë, për të cilën po punohet të vihet nën kontroll. Flakët kanë rënë në sipërfaqen pyjore, rrezikohet edhe përhapja në kurorë, thotë ministria por po ndërhyhet edhe nga ajri me helikopter. Ministria njofton se ka vatra aktive në Kolonjë, Pukë, Tiranë, Peqin dhe Berat, por asnjëra prej tyre nuk përbën rrezik të lartë apo kërcënim për banorët.

Njoftimi i ministrisë:

Zjarri në afërsi të fshatit Shemri në vendin Kodrat e Lakut të Mollës, njësia administrative Malzi, bashkia Kukës po mbahet nën kontroll nga forcat, në mënyrë që të mos përhapet afër banesave. Po punohet edhe nga ajri me helikopter. Është normalizuar zjarri në fshatin Patalej, njësia administrative Kolsh, pas ndërhyrjes së helikopterit

Zjarri në Malin e Tërbunit, bashkia Pukë. Po punojnë zjarrfikës, shërbimi pyjor dhe forca të tjera. Flakët kanë rënë në sipërfaqen pyjore, rrezikohet edhe përhapja në kurorë. Po ndërhyhet edhe nga ajri me helikopter. Një vatër zjarri në një sipërfaqe me shkurre, pisha e dushqe në fshatin Mbreshtan, bashkia Kolonjë. Nuk ka rrezik për zonën e banuar. Është nën kontroll zjarri në fshatin Radat.

Sipas informacioneve nga emergjencat civile të bashkisë Dropull i Poshtëm në vendgjarje ka mbërritur Zjarrfikësja e Bashkisë Gjirokaster dhe strukturat e ushtrisë. Përsa i përket shpërthimeve ende nuk janë konfirmuar nëse mund të kenë qenë granata të Luftës së Dytë Botërore apo bombola gazi në një grumbull mbeturinash. Nu ka ka rrezik për banesa. Ka një vatër zjarri në mes të shpatit të malit, ku po ndërhyjnë forcat e ushtrisë dhe zjarrfikëset.

Një zjarr në sipërfaqe me shkurre është njoftuar në fshatin Qinam në Tiranë, pa rrezik për banesa.

Është riaktivizuar një vatër zjarri në fshatin Thirrë në bashkinë Mirditë. Zjarri po shkon drejt fshatit Gështenjas dhe mund të rrezikoje banesat. Forcat zjarrfikëse, banorët po punojnë për ta vënë nën kontroll. Jane nisur dhe forca nga DMR Kukës.

Në fshatin Sinametaj, Nj.A  Karinë, në bashkinë Peiqn ka një vatër zjarri në shkurre e bimësi të ulët. Në zonë po shkojnë zjarrfikësit e zonës, por terreni është mjaft i vështirë dhe mjetet nuk mund të mbërrijnë deri aty. Në fshatin Pashalli,  në Poshnje të Beratti është raportuar një zjarr në shkure, në afërsi të pyllit me pisha. Situata po ndiqet nga zjarrfikësit dhe pushteti vendor.

TAG:
• Tirane
• Kukes
• mirdite
• zjarret ne vend