Vendi është përfshirë nga zjarret nga veriu në jug, ku shkak, në pjesën më të madhe të rasteve duket se është dora e njeriut dhe jo temperaturat e larta. Katër persona janë vendosur nën hetim ditën e sotme në Gjirokastër dhe një tjetër në Lezhë, të dyshuar si autorë të zjarreve që dogjën sipërfaqe të tëra me pemë e shkurre.
Në Gjirokastër kanë fillua hetimet për Pëllumb Çanin, 57 vjeç, i cili se ky është autor i zjarrit në fshatin Mashkullorë, ku si pasojë është djegur sipërfaqe toke e konsiderueshme me bimësi të ndryshme. Situata dje në Mashkullorë ishte shumë kritike, ku u evakuuan edhe banorët, por fatmirësisht situata u vu nën kontroll pa shkaktuar pasoja të rënda në njerëz dhe po ashtu nuk u dogjën as banesa.
Po hetohet edhe Vangjel Baruha, 67 vjeç, banues në fshatin Llovinë, pasi dyshohet se është autor i zjarrit në fshatin Llovinë, ku si pasojë është djegur një sipërfaqe toke. Po në Gjirokastër është nën hetim edhe Mihal Binjaku, banues në fshatin Qesorat, pasi dyshohet se është autor i zjarrit në fshatin Qesorat, ku si pasojë është djegur një sipërfaqe e konsiderueshme me bimësi të ndryshme.
Në Lezhë po procedohet në gjendje të lirë për shkak të moshës 73-vjeçari Mark Nikolli, pasi dyshohet se i vuri zjarrin një tokë kullotë, duke djegur kodrën e fahatit Mabë.
Më anë të një postimi në rrjetet sociale, ministri i Brendshëm, Bledi Çuçi, ka shprehur edhe një herë vendosmërinë e autoriteteve për të ndëshkuar cilindo person që ndez një zjarr qëllimisht në pyjet e vendit. Sipas Çuçit të gjithë këta persona do të dalin para ligjit pasi siç shkruan ai, me zjarrin nuk bëhet shaka.
“Do të përballen me ligjin të gjithë ata që për një arsye apo një tjetër do të shkaktojnë zjarre, duke rrezikuar jetën e njerëzve dhe pasurinë e tyre. Me zjarrin nuk luhet e as bëhet shaka, prandaj apeloj për t’u treguar të kujdesshëm në çdo moment” shkruan Çuçi.
Një 42-vjeçar është shpallur në kërkim sot në Vlorë, pasi dyshohet si autor i zjarrvënies në fshatin Gjormë të Vlorës. Mësohet se në kërkim është shpallur Bexhet Sinaj, i cili, për arsye që nuk dihen, dogji sipërfaqe të tëra toke me ullinj e kullota.
Dy ditë më parë, flakët e zjarrit u përhapën me shumë shpejtësi në fshatin Gjormë, duke ngjallur jo pak frikë e panik, ndërsa u dogjën 3 banesa, 600 rrënjë ullinj, rreth 50 bagëti të imëta si dhe 3 stalla me ushqim për bagëtitë
Falë ndërhyrjes nga ajri dhe toka u bë e mundur neutralizimi i rrezikut për djegien e banesave të tjera.
Lajme të tjera
-
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
