Zjarri në anijen në Karaburun, pronarët për Report Tv: Ishte e certifikuar, shkëndija erdhi nga motori


Report Tv ka kontaktuar me kompaninë 'Aquamarine' që ka në pronësi anijen turistike që u shkrumbua nga zjari mëngjesin e sotëm, ku këta të fundit kanë deklaruar se zjarri ka ardhur nga motorët e anijes.

Ndër të tjera kompania sqaron se anija e shkrumbuar nga flakët ishte me letra dhe e certifikuar nga Kapiteneria në Durrës, ndërsa në muajin Maj i është bërë remont për sigurinë.

"Nuk kemi informacion për shkakun, zjarri ka ardhur nga motorët. Anija ka qenë me letra dhe e certifikuar nga Kapiteneria në Durrës. Në maj ka dalë nga kantieri ku i është bërë remont për sigurinë. Në bord kanë qenë vetëm 5 pjestarë të  stafit" kanë deklaruar përfaqësuesit e Aquamarine.


Lajmi kryesor:

U ankorua në Karaburun nga moti i keq, shpërthen në flakë anija turistike, 5 persona hidhen në det për të shpëtuar (VIDEO+FOTO)


E.L./Shqiptarja.com