Zjarri në fshatrat Panaja dhe Bestrovë në Vlorë, Leli: Janë dëmtuar sipërfaqe të konsiderueshme më vreshta dhe ullinj

Një zjarr i përmasave të mëdha ka përfshirë kodrat e fshatrave Panaja dhe Bestrovë të Vlorës, ndërsa flakët kanë dalë jashtë kontrollit. Kryetari i bashkisë së Vlorës, Dritan Leli nga vendi i ngjarjes, tha në një prononcim për mediat se zjarri ka shkaktuar shumë dëme pasi të gjitha kodrat që po digjen janë të mbjella me ullinj dhe me vreshta. Leli tha se të gjithë janë angazhuar për shuarjen e vatrave të zjarrit dhe përhapjen e flakëve.

'Siç e shikoni të gjithë janë këtu, forcat zjarrfikëse, ushtria policia e shtetit. Ishte një zjarrvënie që është për tu hetuar. Pavarësisht luftës frontale të të gjithëve ka vazhduar dhe ka dëmtuar një pjesë të ullinjve në kodrat e Pestrovës. Të gjithë njerëzit janë angazhuar për të bërë më të mirë në mënyrë që të shuhen vatrat e zjarrit. Vazhdon akoma pjesa e sipërme e kodrës që digjet. Dëmet janë të konsiderueshme sepse të gjitha këto janë kodra me vreshta dhe ullinj e rëndësishme është që të shuhen flakët. Era po favorizon përhapjen e flakëve.'- tha Leli.

Lajmi kryesor:

Vlorë/ Flakët jashtë kontrollit në fshatrat Panaja dhe Bestrovë, 2 të shoqëruar! Bllokohet rruga e vjetër nacionale Vlorë-Fier! Banorë të frikësuar: Do digjemi! Shpërthejnë municione të vjetra luftarake

M.Q./r.k./Shqiptarja.com

TAG:
• Vlore
• Lezhe
• zjarre
• zjarrvenie