Një zjarr i rënë mbrëmjen e së hënës në kodrat mbi fshatin Lekaj të njësisë administrative Hysgjokaj ka djegur deri në orën 22 rreth 10 hektarë me shkurre e pisha. Terreni i vështirë kodrinor dhe me mungesë rrugësh për të shkuar mjetet zjarrfikëse e bën edhe më të vështirë situatën.
Zjarrfikësit e Lushnjes, punonjësit e policisë dhe punonjës të strukturave mbështetëse të bashkisë kanë shkuar për të izoluar vatrën e zjarrit me mjete rrethanore dhe me pompa shpine.
![](https://shqiptarja.com/template/img/NO_ALFA_Kuadrate shqiptarja.png)
Në ndihmë të tyre kanë ardhur dhe zjarrfikës nga Fieri dhe Patosi por vështirësia mbetet për shkak të terrenit. Zjarri vijon të djegë sipërfaqe me bar të thatë e shkurre.
Fatmirësisht nuk rrezikohet asnjë banesë pasi të zjarri është larg tyre. Për fat nata ishte e qetë dhe nuk fryu erë çka do të vështirësonte situatën.
Lajmi kryesor:
Bilanci/ Situata nga zjarret në vend, digjen 15 ha pyje në Parkun Kombëtar të Tomorit! Në Prespë vijon puna për shuarjen! Vihet nën kontroll vatrat në Selenicë
![](https://www.shqiptarja.com/template/img/sh_logo1.png)