BERAT- Pas dy ditësh është bërë e mundur vënia në kontroll e flakëve në Parkun Kombëtar të Malit të Tomorit. Për dy ditë resht është luftuar me flakët megjithëse terreni ishte i vështirë dhe era favorizonte flakët. Me ndërhyrjen e ushtrisë u arrit të kufizohej përhapja e zjarrit ndërsa po punohet për fikjen e tij në vatrat më të mëdha. Afrimi i natës bën të pamundur vijimësinë duke ndërprerë operacionin për shuarjen e flakëve dhe rifilluar sërish nesër.
Në Parkun Kombëtar të Malit të Tomorit deri tani janë djegur 15 hektarë me kullota e pyje të djegura. Autoritetet vendore sqaruan se vatra ndodhet në zonën e “Majës së Çukës”, aty ku mbahet pelegrinazhi i përvitshëm i besimtarëve bektashinj. Më e dëmtuar ka qenë kurora e pishave në atë zonë.
BULQIZË
Një zjarr i madh ka rënë në Bulqizë në afërsi të disa pallateve. Nga flakët u rrezikua një banesë, por fatmirësisht flakët u izoluan në kohë.
LUSHNJE
Një zjarr i rënë mbrëmjen e së hënës në kodrat mbi fshatin Lekaj në Lushnje kanë djegur 10 hektarë me shkurre e pisha. Terreni i vështirë kodrinor dhe me mungesë rrugësh për të shkuar mjetet zjarrfikëse e bën edhe më të vështirë situatën.
Zjarrfikësit e Lushnjes po punojnë me mjete rrethanore dhe me pompa shpine. Në ndihmë të tyre kanë ardhur dhe zjarrfikës nga Fieri dhe Patosi por vështirësia mbetet për shkak të terrenit. Zjarri vijon të djegë sipërfaqe me bar të thatë e shkurre.
KORÇË
Ndërkohë në Malin e Thatë dhe në Parkun Kombëtar të Prespës zjarri vijon prej 7 ditësh. 80 forca po punojnë në terren, ndërsa është ulur intensiteti i flakëve. Perfekti i Qarkut Korçë Nertil Jole tha se ‘sot pritet që të vihet nën kontroll’.
VLORË
Situata e zjarreve ka qenë problematike edhe në qarkun e Vlorës, teksa ditën e marte u njoftua nga emergjencat civile se janë shuar të gjitha vatrat pas aksionit të ndërmarrë prej orësh lufte me flakët. Raportohen 70 hektarë me bimësi të djegura në fshatin Velçë dhe 2 banesa të braktisura. Gjithshtu në këtë sipërfaqe janë të dëmtuara 1000 rrënjë ullinj dhe tubat e ujësjellësit.
Zjarri i madh ka rënë mbrëmjen e sotme në Bulqizë në afërsi të disa pallateve.
Flakët e zjarrit momentalisht rrezikojnë një banesë.
Për momentin në vendngjarje siç raportohet nuk ka zjarrfikëse pasi ndodhen në një shërbim tjetër.
Një vatër zjarri raportohet në pyjet e kullotat e Kangrazhdit në Burrel. Forca e mjete të shumta të Bashkisë Mat vijojnë përpjekjet për shuarjen e zjarrit.
Për shkak të temperaturave të larta, erës dhe faktit që barishtet janë tharë zjarri po përhapet me shpejtësi.
Efektivët zjarrfikës dhe punonjësit e bashkisë janë porositur së paritë bëjnë kujdes për jetën dhe shëndetin e tyre dhe së dyti të mundësojnë shuarjen e flakëve.
Një vatër zjarri është shfaqur mesditën e sotme në fshatin Syzes të bashkisë së Dimalit.
Fermerët i kanë vënë zjarrin barërave por flakët të ndihmuar nga era dhe temperatura e lartë kanë dalë jashtë kontrollit duke marrë përparësi në pjesën e mbjellur me vreshta shumë pranë serave.
Për fikjen e kësaj vatre zjarri ka shkuar MZSH e bashkisë Dimal, në ndihmë të saj janë edhe zjarrfikëset e Beratit.
Pas disa përpjekjesh me flakët zjarri u vu nën kontroll dhe ndërsa po punohet për të shuar çdo pjesëz të zjarrit.
Burime pranë drejtorisë MZSH Berat bëjnë me dije se pas ndërhyrjes së efektivëve të Beratit u bë e mundur shpëtimi i serave. Situata u vu nën kontroll dhe pa rrezik tjetër të shtuar.
Prej 7 ditësh vijon të jetë aktiv zjarri në Malin e Thatë dhe në Parkun Kombëtar të Prespës. Prefekti i Korçës Nertil Jole tha se sot do të jetë dita vendimtare, ndërsa 80 forca janë angazhuar për shuarjen e zjarrit.
‘Jemi sot këtu në Goricë së bashku me kryetarin e bashkisë Pustec për të bërë përpjekjen e radhës, në ditën e 7-të, për të luftuar një vatër komplekse, ne zonën e Parkut Kombëtar të Prespës.
Kemi organizuar punën me të gjitha strukturat operacionale në nivel qarku na janë ofruar si mbështetje edhe shërbimet e bashkive të tjera së bashku me detashmentin, agjencinë e zonave të mbrojtura, më shërbimin pyjor, strukturat e policisë etj.
Jemi organizuar punën në mënyrë që të bëjmë përpjekjen e radhës, për të neutralizuar ku është mundësia mospërhapjen e mëtejshme të vatrës së zjarrit duke shpresuar që në këtë mënyrë do të kufizojmë ecurinë e saj.
Në çdo rast jemi në komunikim të vazhdueshëm edhe me autoritete, ministrinë e mbrojtjes, me ministrin posaçërisht, me drejtorinë e agjencisë kombëtare të mbrojtjes civile duke shpresuar që nuk do të jetë e nevojshme të angazhohet mekanizmi europian për ndërhyrje nga ajri megjithatë nëse një nevojë e tillë do të jetë kemi marrë mbështetje dhe garanci që të sigurohet edhe ky shërbim në mënyrë që të mbrojmë një nga zonat më të pasura pyjore të qarkut tonë, por edhe të gjithë Shqipërisë.’- tha Jole.
Pali Kolevski kryetar i bashkisë Pustec tha se intensiteti i flakëve është ulur.
‘Sot janë rreth 80 forca të cilat presin të shkojnë te vatrat e zjarrit. Sot do jetë dita më vendimtare siç parashikojnë edhe specialistët e zonave të mbrojtura dhe zjarrfikëses. Këtu jemi mbledhur si qark, nga të gjitha bashkitë e qarkut, nga FA, nga zonat r mbrojtura dhe vullnetarë nga fshati Goricë e Madhe.
Në këto momente është ulur intensiteti i flakëve si rezultat i punës intensive të punonjësve që kanë punuar edhe gjatë mbrëmjes. Sipas informacioneve të para mësohet se rreth 5-6 km janë vënë nën kontroll, vijë lineare. Siç tha edhe prefekti ne kemi komunikuar edhe me emergjencën civile të Shqipërisë edhe me palën maqedonase rdhe me partnerë të tjerë të cilët kanë shprehur gatishmërinë, të shpresojmë mos jetë e nevojshme dhe ta vëmë nën kontroll përfundimisht.’- tha Kolevski.
Vatrat e zjarrit në bashkinë e Selenicës është vënë në kontroll. Kështu bën me dije ministri i Mbrojtjes Pirro Vëngu. Sipas ministrit, rreziku për banesat është eliminuar, por situata po mbahet nën monitorim të vazhdueshëm.
‘Pas një nate përpjekjesh e pune të pandërprerë, strukturat operacionale të Emergjencave Civile në nivel lokal dhe qendror, nën koordinimin e Agjencisë Kombëtare të Mbrojtjes Civile, kanë arritur të vënë nën kontroll vatrat e zjarrit në bashkinë e Selenicës.
Rreziku për banesat është eliminuar, por situata mbetet nën monitorim të vazhdueshëm. Në ndihmë të forcave vendore janë bashkuar edhe dy ekipe zjarrfikësish nga Forcat e Armatosura.
Mirënjohje të gjithë efektivëve për punën e tyre heroike në mbrojtje të jetës dhe pronës së qytetarëve.’- njofton ministri i Mbrojtjes.
Një zjarr i rënë mbrëmjen e së hënës në kodrat mbi fshatin Lekaj të njësisë administrative Hysgjokaj ka djegur deri në orën 22 rreth 10 hektarë me shkurre e pisha. Terreni i vështirë kodrinor dhe me mungesë rrugësh për të shkuar mjetet zjarrfikëse e bën edhe më të vështirë situatën.
Zjarrfikësit e Lushnjes, punonjësit e policisë dhe punonjës të strukturave mbështetëse të bashkisë kanë shkuar për të izoluar vatrën e zjarrit me mjete rrethanore dhe me pompa shpine.
Në ndihmë të tyre kanë ardhur dhe zjarrfikës nga Fieri dhe Patosi por vështirësia mbetet për shkak të terrenit. Zjarri vijon të djegë sipërfaqe me bar të thatë e shkurre.
Fatmirësisht nuk rrezikohet asnjë banesë pasi të zjarri është larg tyre. Për fat nata ishte e qetë dhe nuk fryu erë çka do të vështirësonte situatën.
Lajme të tjera
-
Si u bë mandarina e Hingës ‘e famshme’ në tregjet e Ballkanit! Fermerët e kthyer nga Greqia prodhojnë mbi 1300 ton në vit, por s’kanë punëtorë
23 Nëntor, 13:38
-
Berat/ Shisnin vajra të përzierë për vaj ulliri bio pasi i reklamonin në rrjetet sociale, arrestohet 56 vjeçari, në kërkim i biri! Policia: Produktet e përdorura, ende të panjohura!
23 Nëntor, 10:24 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
Fronëzohet Mitropoliti i Beratit, Vlorës dhe Kaninës, Imzot Asti! Ceremonia u krye në Katedralen 'Shën Dhimitri' në drejtimin e Kryepiskopit Anastas dhe pjesëmarrjen e besimtarëve të shumtë (VIDEO)
21 Nëntor, 18:04 -
Zjarr në një spital në Rusi, njerëzit hidhen nga dritaret për t’i shpëtuar flakëve (VIDEO)
18 Nëntor, 19:13 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Të paktën dhjetë të vdekur pas zjarrit në një shtëpi të pleqve në Spanjë
15 Nëntor, 12:30 -
Media spanjolle 'La Vanguardia': Zbuloni Beratin, qytetin përrallor në Shqipëri
15 Nëntor, 09:22 -
Zjarr në fushën e mbetjeve urbane në Vlorë, forcat zjarrfikëse në vendin e ngjarjes
14 Nëntor, 21:41 -
Zgjidhet Mitropoliti i ri i Beratit, Vlorës dhe Kaninës! Fronëzimi kryhet javën e ardhshme
14 Nëntor, 15:32
