Znj.Tefta përgatit “Biftek viçi
me krem dhe spinaq”, në Rreze Dielli

Hagelt Goxhaj ka vijuar ditën e katërt të gatimit në emisionin Rreze Dielli. Ai ka vëzhguar zonjën Tefta në përgatitjen e recetave të ditës, ndërsa ditën e nesërme do të realizojë i vetëm dy nga gatimet e përzgjedhura. Do të jetë juria ajo që do të vlerësojë me pikë punën e nxënësit Goxhaj.



Një ditë para provës së javës, nxënësi Hagelt Goxhaj ka vëzhguar përsëri Zonjën Tefta në gatim. “Pjeshkë e pjekur me fruta të thata” dhe “Biftek viçi me krem dhe spinaq” kanë qenë recetat e përzgjedhura për ditën e sotme në emisionin Rreze Dielli. Zonja Tefta ka përgatitur me fantazi dy pjata të shijshme dhe praktike për të gjitha amvisat që ndjekin këtë rubrikë të përditshme.



Nxënësi Goxhaj ka ndjekur me vëmendje këshillat e mësueses së tij ndërkohë që duhet të memorizojë përbërësit e recetave. Ditën e premte ai do të realizojë pa asnjë ndihmë dy recetat e përzgjedhura nga autorët e programit. Më pas do të jetë juria ajo që do të vëzhgojë me vëmendje punën e Hageltit duke e vlerësuar me pikë në bazë të kritereve të përcaktuara më parë.



Hagelti do të vihet në provë edhe në përzgjedhjen e përbërësve, pasi në shportën e ushqimeve do të vendoset një element-kurth, i cili nuk duhet të përzgjidhet pasi e penalizon atë me 20 pikë. Finalja e madhe, e cila do të jetë në muajin qershor do të nxjerrë dhe fituesin, i cili dot jetë konkurrenti me më shumë pikë.




Receta e parë, Pjeshkë e pjekur me fruta të thata
Përbërësit:
Pjeshkë 5 kokrra
Gjalp 2 lugë gjelle
Kumbull e thatë 50 gr
Rusht i thatë 50 gr
Bajame 70 gr
Verë e bardhë 200 ml
Kanellë
Karafil
Sheqer 100 gr
Salcë karamele
Përbërësit:
Sheqer 100 gr
Ujë 200 ml
 Pana ëmbëlsirë 120 ml

Redaksia Online
(b.t/xh.k/shqiptarja.com)