‘Zona 51’, pushtimi paqësor i 20 shtatorit, mes ahengut, kostumeve dhe birrës. Ja çfarë ndodhi në shkretëtirën e sekreteve (FOTO)

Duhej të ishte një pushtim i paparë. Mijëra do të vraponin rreth ‘Zonës 51’, bazës amerikane që është pjesë e një zone të madhe ushtarake, rreth 150 kilometra në veri-perëndim të Las Vegas, në Nevada. Por nuk ndodhi kështu. Operacioni i planifikuar për 20 shtator dhe i lindur si shaka me iniciativën e Australian Jackson Barnes, përmes Facebook-ut, nuk u realizua.

Vetëm disa qindra njerëz mbërritën në zonën e bazës ushtarake misterioze. Askush nuk u përpoq të hynte. Dy arrestime, thuajse pa asnjë shkak. Dhe një sfilatë e njerëzve të bukur.

‘Të huajt’ erdhën me të veshur me kostume jashtëtokësore, megjithë ftesën e qeverisë amerikane për të mos u afruar te baza dhe reagimin jo aq paqësor të Forcave Ajrore Amerikane që kishin paralajmëruar përdorimin e armëve në rast se do të kishte telashe.

Kështu, në orën tre të mëngjesit shumë njerëz sfiduan errësirën, të ftohtin dhe një rrugë të pluhurosur, 13 km në portën e Rakelës në ish-bazën legjendare të Forcës Ajrore të SHBA dhe ‘rrethuan’ bazën.

Asgjë e jashtëligjshme nuk ndodhi. Vetëm sfilatë, festë dhe birra.

Forcat Ajrore Amerikane, para pak ditësh konfirmuan se ‘objektet e paidentifikuar’, të interceptuar nga Pentagoni midis viteve 2004-2018 ishin autentike.

Mesa duket ‘pushtuesit e Zonës 51 e kishin përtypur’ mirë lajmin e ekzistencës së UFO-ve dhe…kërcyen mes shkretëtirës.

/r.k./Shqiptarja.com

TAG:
• Las Vegas
• UFO
• Nevada
• Zona 51
• Forcat Ajrore Amerikane