“Zonjushës Musine Kokalari”, zbulohen pjesë nga letërkëmbimi i Lasgush Poradecit me disidenten

Në ambientet e qendrës memoriale "Muza ime", në Gjirokastër u organizua mbrëmja letrare kushtuar Lasgush Poradecit. Korespondenca mes poetit dhe disidentes Musine Kokalari, në vitet 1938-1940 ishte në fokus të këtij aktiviteti. E bija e poetit, Marie Poradeci dhe mbesa e disidentes, Arjeta Kokalari shpjeguan se në letrat që shkëmbenin me njëri-tjetrin diskutonin për botimet e reja por dhe jetën private. Asokohe Lasgushi interesohej të regjsitronte bashkëshorten në universitetin e Romës, ku studionte Musineja.

E bija, Marie Gasho Poradeci shprehet se “në leterkembimet e shumta me personalitete janë dhe ato me Musinene. Këto janë letra të viteve 1938-1940, kur Musine Kokalari ishte student në Rome, ishte shoqe me mamin tim dhe babi në atë kohë donte ta regjistronte mamin në universitet dhe i kërkonte ndihme Musinese. Në letrat e veta i drejtohej me shumë respekt. Më ka bërë përshtypje se gjithmonë i drejtohej “Zonjushës Musine Kokalari, e respektuar kolege”.

Më tej ajo shton se viti 2024 është shpallur viti i Lasgush Poradecit me rastin e 125 vjetorit të Lindjes, ndaj të gjitha letrat e tij po përgatiten për botim nga Qendra Kombëtare e Librit dhe Leximit.

Ndërsa Arjeta Kokalari na tregon detaje të tjera të këtij leterkëmbimi. Asokohe Musineja i kërkonte Lasgushit një shënim kritik mbi librin e parë që kishte shkruar “Siç më thotë nënua plakë”.

“Unë jam e lumtur që e bëjmë nisjen e aktiviteteve në këtë muze me prezantimin e leterkembimit të Lasgushit me Musinenë. Veçoj letrat që kanë shkëmbyer për librin e parë, sepse Lasgushi ka qenë kritiku i parë i saj si shkruese e re. Dhe në përgjigjen që i kthen Musineja i thotë se “janë më të rëndësishme kritika se sa lavdërimet”, shprehet Arjeta Kokalari.

Muzeu "Muza Ime", kushtuar Musine Kokalarit u çel para dy javësh në Gjirokastër dhe tashmë pjesë e fondit të këtij muzeu do të jenë dhe dy letërkëmbime që e bija e Lasgushit ia dhuroi mbesës së Kokalarit.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

'Minuta 0' në Report Tv, fillon emisioni i Euro 2024

'Minuta 0' në Report Tv, fillon emisioni i Euro 2024