Zup shtëpie me qershi, ëmbëlsirë e shpejtë nga zonja Albana

Ëmbëlsirë me qershi

Përbërësit:

Baza, shtresa e parë:

• 200 gr biskota
• 100 gr gjalpë

Shtresa e kremit:

• 500 ml qumësht
• 5 lgj sheqer
• 1 pako puding

Shtresa e sipërme:

• Qershi
• 4 lgj sheqer
• 2 lgj niseshte
• 3 gjethe hidershah
• 2 gozhdë karafil

Përgatitja:

Fillimisht përgatisim bazën e ëmbëlsirës. Kalojmë biskotat në blender dhe i trazojmë me gjalpin e tretur. E vendosim brumin e biskotave në një tavë ëmbëlsirash duke e niveluar mirë. Përgatisim kremin duke vendosur në një tenxhere qumështin, sheqerin dhe pudingun. E trazojmë derisa kremi të lidhet, e lemë të ftohet pak dhe e vendosim mbi bazën e biskotave. Në një enë tjetër përgatisim reçelin e qershisë duke vendosur qershiat e lara, niseshten, hidërshan dhe ujë. E lëmë derisa reçeli të marrë valë dhe të fillojë të mpikset paksa. Pasi të jetë ftohur e shtojmë mbi kremin. Këtë ëmbëlsirë mund ta servirim dhe në tasa ose gota individuale.

MC/Shqiptarja.com

TAG:
• zonjaalbana
• zup
• embelsire me qershi
• recete e shpejte
• shije