POP 5

Lajmet më të lexuara të 5 minutave të fundit

Kosova & Rajoni

Zv/kryeministri serb Vuçiç
pritet të vizitojë sot Graçanicën

Zëvendëskryeministri i Serbisë, Aleksander Vuçiç deklaroi se do të përçojë mesazhe paqeje për të gjithë qytetarët e Kosovës dhe nuk pret që të ketë probleme gjatë qëndrimit të tij.
BEOGRAD - Zëvendëskryeministri i Serbisë, Aleksander Vuçiç pritet të vizitojë sot Kosovën. Vuçiç do të marrë pjesë në liturgjinë e Krishtlindjeve ortodokse në Manastirin e Graçanicës, e cila do të udhëhiqet nga peshkopi Teodosije.

Mbrëmë ai deklaroi se gjatë kësaj vizite do të përçojë mesazhe paqeje për të gjithë qytetarët e Kosovës dhe nuk pret që të ketë probleme gjatë qëndrimit të tij.
 
Kryetari i Partisë Progresiste Serbe, pas ceremonisë së ndezjes së dushkut në selinë e kësaj partie, ka thënë se në vizitën që do t’ia bëjë sot Graçanicës, do t’u drejtohet serbëve me një porosi për Krishtlindjet Sllavo-Ortodokse.
 
Vuçiç, siç raportojnë mediat serbe, ka deklaruar se me fjalimin e tij do t’u tregojë serbëve të kësaj komune se ka ardhur koha qe me një dozë të shtuar të vetëbesimit, ata mund të vendosin të ardhmen e tyre në një mënyrë të ndryshme dhe më të mirë.
 
Po ashtu, ka thënë se nga investimet e Qeverisë së Serbisë në Veri janë punësuar 200 njerëz, ndërsa deri në qershor, sipas tij, do të punësohen deri në 1000.
 
“Gjithmonë do t’i ndihmojmë kombit tonë, por edhe t’ju themi se është më mirë që çdo gjë të arrihet me anë të paqes dhe të kenë raporte të mira me fqinjët e tyre shqiptarë” ka thënë Vuçiç.
 
Numri dy i Qeverisë së Serbisë, sipas ka paralajmëruar se nuk do të bëjë asnjë mesazh për nxitje të konflikteve, ose politike për vendosjen e flamurit të Shqipërisë në Komunën e Prishtinës.
 
“Ne jemi njerëz që mendojmë për të ardhmen e atdheut tonë, për prosperitetin ekonomik dhe jo t’i tregojmë muskujt para dikujt. Mjaft kemi bërë gjëra të tilla në periudhat e mëhershme”, ka thënë Vuçiç.
 
Zyra për Kosovën në Qeverinë e Serbisë ka thënë se në kremten qendrore të Krishtlindjeve në Graçanicë do të marrë pjesë edhe ministri pa portofol, Aleksandar Vulin.

Redaksia online
(ac/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi