Zvarriten punimet për riparimin e një pallati të dëmtuar nga tërmeti në Durrës, banorët protestojnë para bashkisë: Do i drejtohemi SPAK

Zvarritja 4 vjeçare për nisjen e riparimit të pallatit të dëmtuar nga tërmeti, po i detyron 65 familjet që banonin në të, që të ndërmarrin vendime ekstreme. Në protestën e radhës para bashkisë, përfaqësuesit e familjeve të pallatit nr.15 në lagjen nr.12 të Durrësit kërkojnë me ngulm një datë për nisjen e punimeve në godinën 11 katëshe.

“Deri në fund të shtatorit do presim. Kur të përfundojë muaji ne jemi të detyruar t’i drejtohemi prokurorisë dhe SPAK-ut që të gjejnë se ku kanë shkuar fondet e rindërtimit”.- tha një banor.

“Do hyjmë të banojmë ashtu siç është, Nëse këta e kanë ndarë trurin që të heqin dorë nga riparimi i pallatit, le të heqin dorë ne do hyjmë në pallat ashtu siç është”. thanë një tjetër banorë.

Bashkia bën të ditur se i është drejtuar Ministrisë së Infrastrukturës për akordimin e fondit për riparimin e pallatit me dëme DS3 dhe janë në pritje të lëvrimit të parave. Por riparimi i pallatit nuk është i vetmi shqetësim për 65 familjet. Mos akordimi i bonusit të qirasë ka shkaktuar vështirësi të shumta ekonomike, sidomos për moshën e tretë.   

Pallati 11 katësh është aktualisht një nga godinat që dëshmon dëmet shkatërrimtare që shkaktoi tërmeti i 26 nëntorit në qytetin bregdetar. Përgjatë këtyre viteve që ka mbetur i braktisur, ai është dëmtuar edhe më shumë nga hajdutët, ndërsa në jo pak raste godina ka përbërë rrezik për jetën e qytetarëve që kalojnë poshtë saj.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

SHBA/ Biden u tërhoq nga gara, Shtëpia e Bardhë: Do të përfundojë mandatin e tij si president! ‘Boom’ donacionesh për Harris! Trump kërkon rimbursim për mashtrim

SHBA/ Biden u tërhoq nga gara, Shtëpia e Bardhë: Do të përfundojë mandatin e tij si president! ‘Boom’ donacionesh për Harris! Trump kërkon rimbursim për mashtrim