POP 5

Lajmet më të lexuara të 5 minutave të fundit

Bota

Zvicra si Mbretëria e Bashkuar/ Sot votohet për t’i dhënë fund lëvizjes së lirë (VIDEO)

Sondazhet e deritanishme tregojnë se 63% e votuesve zviceranë nuk do votojnë iniciativën dhe vetëm 35% janë pro nismës

Sot në Zvicër, përmes një referendumi do të vendoset nëse do ndiqet shembulli i Britanisë së Madhe me Brexit apo vendi, edhe pse nuk është pjesë e Bashkimit Europian, do vazhdojë t’i përmbahet disa prej parimeve themelore të saj, siç është lëvizja e lirë e njerëzve.

Fitorja e iniciativës së Partisë Popullore Zvicerane (SVP) e krahut të djathtë e cila e kishte planifikuar referendimin për në muajin maj, por që u shty për shkak të Covid, do të thotë që të hidhen në erë një numër traktatesh midis Gjenevës dhe Brukselit, që qytetarët europianë që punojnë e jetojnë sot në Zvicër, nesër të kthehen në vendet e tyre si dhe 460,000 shtetasit zviceranë që jetojnë në BE të mos jenë të qetë.

Nëse referendumi fiton, Këshilli Federal Zvicerian do të duhet të përfundojë marrëveshjen e lëvizjes së lirë me BE brenda 12 muajve dhe do të ketë negociata me Unionin për të reduktuar numrin e europianëve që do të lejohet të jetojnë e punojnë në Zvicër.

Aktualisht në konfederatën e kantoneve pothuajse 25% e 8 milionë banorëve janë të huaj që vijnë nga Bashkimi Europian, mes të cilëve ka edhe shumë shqiptarë.

Sondazhet e deritanishme tregojnë se 63% e votuesve zviceranë nuk do votojnë iniciativën dhe vetëm 35% janë pro nismës.

Studiuesit thonë se pandemia e koronavirusit mund të ketë ndikim në rezultat sepse ajo iu tregoi votuesve se bashkëpunimi ndërkombëtar ishte i nevojshëm për të adresuar krizën e cila mund të thellohet nga kufizimet e tregëtisë dhe trafikut.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it

Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it

25 Dhjetor, 17:15