POP 5

Lajmet më të lexuara të 5 minutave të fundit

Kronikë

Zv.ministri italian përlotet kur zbulon lidhjen me dy mjekët shqiptarë: Nuk do t'jua harrojmë, nëse keni nevojë mbështetuni te ne! (VIDEO)

Zv.ministri italian i Shëndetësisë, mjek me profesion zbuloi gjatë një interviste, se në mesin e 30 bluzave të bardha që shkuan në ndihmë të Italisë fqinje të plagosur nga koronavirusi, ishin edhe dy studentë të tij që u ka dhënë mësim në Tiranë. I përlotur teksa e tha këtë fakt,  Pierpaolo Sileri  u shpreh se nëse Shqipëria ka nevojë mund të mbështetet tek Italia.

Edhe pse ndodhet vetë në emergjencë, Shqipëria ndihmoi Italinë fqinje duke dërguar 30 mjekë dhe infermierë për të luftuar kundër COVID0-19.  Stafi mjekësor shqiptar kanë nisur nga puna në spitalin e Brescias pas një trajnimi të shkurtër ditën e parë duke u vendosur në zonën e urgjencës, të terapisë intensive ashtu sikundër edhe infermierët. Dy prej tyre kanë qenë studentë të zëvendësministrit italian të Shëndetësisë, i cili është me profesion mjek dhe ka dhënë mësim në Tiranë.

Emocionet që përjetoi në aeroport ku pa që mes bluzave të bardha ishin edhe dy studentët e tij, i përshkroi me këto fjalë: "Teksa e them më lotojnë sytë dhe besoj nuk ka fjalë për një gjest të tillë".

Pierpaolo Sileri, i cili priti në aeroport mjekët shqiptarë së bashku me ministrin e jashtëm Luigi di Maio, në një transmetim direkt me Skype me ministren shqiptare të Shëndetësisë për “Trmh24” në Itali, iu drejtua me fjalët "Faleminderit Ogerta, nuk do t'jua harrojmë".

Mirënjohjen ndaj kësaj ndihmë në momentet më të vështira që Italia po kalon e gjunjëzuar ndaj koronavirusit, zv.ministri tha se do ia shpërblejë Shqipërisë sonë të vogël. "Ajo që mund të them është se mund të mbështeteni tek ne nëse keni nevojë. Ashtu si ne jemi mbështetur ne tek ju. E njoh popullin shqiptar sepse kam dhënë mësim atje për shumë vite dhe kam parë të rinjtë që studionin Mjekësi dhe sinqerisht për mua janë vëllezër, janë evropianë  janë italiane ashtu si unë jam shqiptar", tha zv.ministri i Shëndetësisë italiane.

Ai vlerësoi edhe frazën "nuk jemi të pasur por kemi një kujtesë të mirë".

"Fjalët e kryeministrit Edi Rama ishin prekësë besoj se ishin fjalët më të bukura që kam dëgjuar ndonjëherë në jetën time", tha Sileri.

Edhe moderatori italian e kishte një koment për fjalët e kryeministrit shqiptar që bënë jehonë në mediat italiane. "Janë fjalë që do të skaliten në librat e historisë që do të lexojnë edhe fëmijët tanë".

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • qytetari: 02/04/2020 11:25

    Bravo Rama ,trepikshi i rralles..

    Përgjigju
  • A...Zh: 02/04/2020 10:07

    O Zot cfare perjetimi! Itali, sa te paskam dashur! Faleminderit shqiptarit Edi Rama, qe me gjestin e tij na beri te ndjehemi krenar e te provojme emocione kaq pozitive ne kete kohe te zymte!

    Përgjigju
  • Emigranti: 02/04/2020 09:36

    Ne bere krenar o Edi Rama

    Përgjigju
    • Leo: 02/04/2020 15:23

      Bravo Edi i pa zevendesushem

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Tiranë/ Operacion i Antidrogës, bien në pranga 2 persona! Sekuestrohen 3 kg lëndë narkotike

Tiranë/ Operacion i Antidrogës, bien në pranga 2 persona! Sekuestrohen 3 kg lëndë narkotike

28 Nëntor, 11:47