Zyrtare, BE: Gjykatë të veçantë me
seli në Kosovë mbi krimet e UÇK

PRISHTINE - Bashkimi Evropian konfirmon zyrtarisht qëllimin për themelimin e një gjykate të veçantë e cila do të trajtojë çështjen e krimeve të luftës në Kosovë, njofton RTK.
 
Në një përgjigje me shkrim për RTK-në zyra e BE-së sqaron se “Bashkimi Evropian nuk është duke propozuar themelimin e një Tribunali por të një gjykate të veçantë brenda sistemit gjyqësor të Kosovës.”
 
Siç njofton RTK, kjo gjykatë do të ketë bazën në Kosovë por seancat përfshirë dëgjimin e dëshmitarëve do të zhvillohen jashtë vendit duke marrë parasysh natyrën e dyshimeve.

Së dyti kjo gjykatë nuk do të jetë për Kosovën, Ushtrinë Çlirimtare të Kosovës apo natyrën e luftës por ka të bëjë me hetimin e dyshimeve për akte të rënda kriminale të individëve.
 
Gjykata do të formohet pas këmbimit të letrave për Task Forcën Speciale të Hetimeve dhe mandatit të EULEX-it ndërmjet Kosovës dhe Bashkimit Evropian dhe miratimit të tyre nga ana e Kuvendit.


Redaksia Online
(e.c/shqiptarja.com)