KF Tirana ka emëruar Vangjel Milen për rolin e Drejtorit Teknik të Akademisë bardheblu. Ka qenë klubi kryeqytetas që nëpërmjet një njoftimi në kanalet e komunikimit ka bërë me dije se 37-vjeçari beratas do marrë postin e ri, pasi më herët ishte krahu i djathtë i trajnerit të shkarkuar, Erbim Fagu.

"Klubi i Futbollit Tirana njofton se Vangjel Mile do të jetë Drejtori Teknik i Akademisë së Futbollit Tirana. Mile ishte së fundmi zv. trajner i ekipit të parë KF Tirana, por duke parë eksperiencën që ai ka, klubi i ka besuar këtë pozicion të ri.

Kemi besimin se Mile do të jetë një ndihmë e madhe dhe urë lidhëse e fortë mes talenteve të së ardhmes dhe kontigjentit të ekipit të parë.

KF Tirana e falënderon për kontributin e dhënë si pjesë e stafit teknik në ekipin e parë KF Tirana, duke i uruar suksese në detyrën e re, si pjesë e strukturës më të rëndësishme të Akademisë bardheblu", njofton Tirana.

Mile është një emër i njohur në futbollin shqiptar, pasi sulmuesi ka luajtur me klubet elitare në vendin tonë. Dinamo, Teuta, Laçi, Besa, Bylis, Tomori, Erzeni dhe Egnatia, këto kanë qenë klubet e 37-vjeçarit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera