POP 5

Lajmet më të lexuara të 5 minutave të fundit

Sport

Zyrtare/ PSG kampione e Ligue I për herë të 12-të në histori

Paris Saint Germain ka fituar titullin e Ligue I për sezonin 2023-24, kjo pas humbjes së Monaco 3-2 në Lyon këtë të diel. Ky është titulli i 12-të në kampionat për ekipin që këtë sezon u drejtua nga spanjolli Luis Enrique.

Zyrtare/ PSG kampione e Ligue I për herë të 12-të në histori

PSG, kampione e Ligue I

FRANCË - Paris Saint Germain ka fituar titullin e Ligue I për sezonin 2023-24, kjo pas humbjes së Monaco 3-2 në Lyon këtë të diel tre javë nga fundi i sezonit. Ky është titulli i 12-të në kampionat për ekipin që këtë sezon u drejtua nga spanjolli Luis Enrique.

PSG mori një barazim befasues 3-3 kundër Le Havre të shtunën, që do të thoshte se duhet të mbështeteshin në humbjen e pikëve të Monacos së vendit të dytë këtë mbrëmje, gjë që ndodhi.

Pavarësisht nisjes jo të mirë të këtij sezoni, PSG nuk u dorëzua dhe rIkuperoi gjithçka në fazën e dytë, aty ku edhe rivalët e ndihmuan në distancë pasi gabuan shumë si Nice, Monaco apo edhe Lens. Titulli i parë për Luis Enriquen në Francë, me spanjollin që u rikthye te një titull pas sezonit 2015-2016 kur triumfonte në La Liga me Barcelonën.

Titulli i Ligue I është trofeu i dytë që PSG ka ngritur këtë sezon pas suksesit në Superkupë, teksa mbeten në garë për Ligën e Kampionëve, ku përballen me Borussia Dortmundin në një gjysmëfinale me dy ndeshje në fillim të majit dhe janë në garë në Kupën e Francës. ku do të përballen me Lyon në finale.

Ky është titulli i tretë radhazi i PSG-së, që këtë sezon ka siguruar 20 fitore, 10 barazime dhe vetëm një humbje. Champions League është i vetmi trofe që u ka shpëtuar pronarëve nga Katari, qëkur ata blenë klubin në vitin 2011. 

Mbappe tani ka fituar titullin francez në gjashtë nga shtatë sezonet që kur mbërriti në klub në verën e 2017-ës. Vetëm në sezonin 2020-2021, Lille e Christophe Galtier i mposhti parisienët në kampionat me një pikë të vetme.

Renditja

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50