TIRANE - Selim Belortaja është tashmë zyrtarisht zëvendësministër i jashtëm duke zëvendësuar kështu në këtë post Sokol Dervishajn. Vendimi është marrë sot në mbledhjen e Këshillit të Ministrave, ku është miratuar emri i Belortajës në postin e zëvendësministrit të jashtëm.

Belortaja, i cili deri pak ditë më parë u dorëhoq nga posti i drejtorit të Portit të Durrësit, u përfol për caktimin e tij si zëvendësministër i jashtëm. Ky është një rikthim për Belortajën në postin e zëvendësministrit, pasi këtë detyrë ai e ka mbajtur për 3 vite në kohën e qeverisë “Berisha”

Sakaq, në vend të tij në krye të Portit të Durrësit është caktuar Gazmend Shalsi.

Më poshtë vendimi i plotë i Këshillit të Ministrave:
 
VENDIM PËR LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

VENDOSI:

Z. Sokol Dervishaj, zëvendësministër i Punëve të Jashtme, lirohet nga kjo detyrë. Ky vendim hyn në fuqi menjëherë.

KRYEMINISTRI EDI RAMA

VENDIM PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të  ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave 

VENDOSI:
Z. Selim Belortaja emërohet zëvendësministër i Punëve të Jashtme. Ky vendim hyn në fuqi menjëherë.

Redaksia Online
(e.c/shqiptarja.com)