DURRËS - Albi Alla është emri më i ri që u bashkua me Teutën në Superligë. Mbrojtësi dhe durrsakët kanë gjetur akordin për një sezon dhe do jetë nën urdhërat e trajnerit Diego Longo. 30-vjeçari nga Pogradeci ishte pjesë e Laçit sezonin e shkuar, teksa ka luajtur një ndeshje edhe me Kombëtaren A të Shqipërisë.

"KF Teuta ka kënaqësinë të njoftojë se mbrojtësi, Albi Alla është zyrtarisht pjesë e skuadrës sonë. Lojtari bashkohet me Teuten pasi, ishte pjesë e Lacit në sezonin e fundit. Pas arritjes së marrëveshjes dhe zyrtarizimit të bashkëpunimit, Alla, nga dje është bashkuar me skuadrën në Durres ku po zhvillohen përgatitjet për duelin ndaj Lacit", bën me dije klubi durrsak.

I dalë nga moshat e Ergotelis në Greqi, Alla njihet për aktivizimet te Skënderbeu, Bylis, Kukësi dhe Flamurtari. Pas 2019 ai e vijoi karrierën në Kinën e largët me ekipe si YB Funde, ZB Cju, NJ City apo edhe SX Chang'en.

Tanimë në dy sezonet e fundit ai ka gjetur strehë në Superligë, teksa përvoja e tij pritet të jetë një armë më shumë në prapavijën e Diego Longos, me Teutën që kërkon mos rrezikojë qëndrimin në elitën e Shqipërisë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Shkurt, 21:54

    Rama shkarkon Ballukun dhe bën 7 ndryshime në qeveri, si e vlerësoni?

Lajme të tjera