KOSOVË - Klubi nga Suhareka, FC Ballkani, ka konfirmuar largimin e trajnerit Orges Shehi, një lajm që ishte përfolur prej disa ditësh. Në një njoftim zyrtar në faqen e klubit, bëhet me dije se Shehi ka informuar skuadrën dhe drejtuesit pas ndeshjes me Drenicën se planifikonte të largohej në janar, por drejtuesit kanë vendosur që ndarja të ndodhë menjëherë, për të ruajtur stabilitetin e ekipit.

Në pritje të emërimit të trajnerit të ri, drejtimin e skuadrës do ta marrë përkohësisht Edon Gashi, trajneri aktual i ekipit U21.

Deklarata e klubit:

“FC Ballkani njofton se Orges Shehi nuk është më trajner i skuadrës së parë. Pas ndeshjes me Drenicën, ai kishte planifikuar largimin në janar, por pas vlerësimit të situatës, kryesia vendosi që largimi të ndodhë tani. Klubi i falënderon Shehit për punën dhe i uron suksese në karrierë. Deri në vendimin për trajnerin e ri, skuadrën do ta drejtojë Edon Gashi.”

48-vjeçari Shehi u ul në stolin e FC Ballkanit më 6 dhjetor 2024 dhe largohet pas 38 ndeshjeve, me një mesatare pikësh 1.74. Pas javës së 13-të në Superligën e Kosovës në futboll, FC Ballkani me 23 pikë mban vendin e dytë në renditje, tre më pak se kryesuesit e Prishtinës.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera