Diego Longo, trajneri i Teutës së bashku me drejtuesit e klubit durrsak janë duke afruar lojtarë me eksperiencë në ekip. "Djemtë e Detit" prezantuan dy afrimet e fundit në merkato, me Arsid Krujën dhe Aldi Gjumsin që i janë bashkuar italianit në stërvitje.
Kruja la Vllazninë e vendlindjes pas katër sezonesh, duke u rikthyer sërish në Durrës. Anësori luan në mesin e fushës dhe sulm, teksa pritet të jetë vlerë e shtuar në ekip.
Veç tij, Teuta ka bërë të vetin edhe Aldi Gjumsin, lojtarin që ka dalë nga akademia e Tiranës dhe ka qenë për disa sezone pjesë e ekipit të parë të bardhebluve. Për më shumë hapësira, sulmuesi anësor ka lënë bardheblutë për një aventurë të re në Durrës.
![](https://shqiptarja.com/template/img/NO_ALFA_Kuadrate shqiptarja.png)
Kështu, pas Realdo Filit që rikthehet në Superligë, Teuta ka prezantuar edhe Krujën dhe Gjumsin.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)