Departamenti i Shtetit - Një zyrtar i lartë i Departamentit amerikan të Shtetit tha të mërkurën se mbështetja nga Pekini për industrinë mbrojtëse të Moskës vjen direkt nga udhëheqja më e lartë e Republikës Popullore të Kinës, ose PRC. Zyrtari vuri në dukje se dërgimi i mikroprocesorëve nga Kina ka forcuar në mënyrë të konsiderueshme aftësitë e Rusisë në fushën e betejës në agresionin kundër Ukrainës.
Për muaj me rradhë, zyrtarë të Shteteve të Bashkuara kanë akuzuar Republikën Popullore të Kinës se ka ndihmuar në mënyrë aktive përpjekjet e Rusisë për luftë.
Uashingtoni ka vënë sanksione ndaj kompanive kineze që ofrojnë komponentë thelbësorë për industrinë e mbrojtjes së Rusisë.
Të mërkurën, Zëvendës Sekretari amerikan i Shtetit Kurt Campbell u tha ligjvënësve se Shtetet e Bashkuara “kishin kuptuar me ngadalësi” "intensitetin e angazhimit" mes Presidentit rus Vladimir Putin dhe Presidentit kinez Xi Jinping.
"Më shqetësuese është se ajo (mbështetja e Kinës për Rusinë) vjen nga niveli më i lartë", tha zoti Campbell gjatë një seance dëgjimore në Komisionin e Jashtëm të Dhomës së Përfaqësuesve.
Ai shtoi se “mikroprocesorë dhe disa kapacitete të lidhura me prodhimin e eksplozivëve” kanë ndikuar në intensifikimin e operacioneve të Rusisë.
“Ne po vëmë re rolin e dronëve dhe kapaciteteve të tjera që po depërtojnë në hapësirën ajrore të Ukrainës. Shumë prej tyre janë mbështetur në mënyrë të fshehtë nga Kina dhe kjo ngre shqetësime reale”, tha ai.
Zyrtarët kinezë hodhën poshtë akuzat e Uashingtonit, duke pohuar se Shtetet e Bashkuara nuk duhet "të njollosin apo sulmojnë marrëdhëniet normale midis Kinës dhe Rusisë" ose të shkelin "të drejtat dhe interesat legjitime" të Kinës dhe kompanive të saj.
Më shumë se dy vjet e gjysmë pas luftës, Pekini vazhdon të bëjë thirrje për bisedime paqeje midis Rusisë dhe Ukrainës që çojnë në një zgjidhje politike.
Disa anëtarë të Kongresit i kanë kërkuar administratës së Presidentit Joe Biden të vendosë sanksione ndaj bankave kineze për mbështetjen e luftës së Rusisë kundër Ukrainës./VOA
Lajme të tjera
-
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00
