Dy kandidatë për primaret e PD në Fier, Mahmutaj futet në garë: Zotohem se do respektoj rezultatin e zgjedhjeve

Ditën e sotme, Artur Mahmutaj ka shpallur kandidaturën e tij sa i takon primareve që PD do të mbajë për të përzgjedhur kandidatin që do garojë për bashkinë e Fierit.

Mahmutaj tha se ishte për të ardhur keq që në vitin 2022, situata ishte e ngjashme me atë të vitit 1991, ndërsa shtoi se do të respektonte rezultatin e zgjedhjeve për primaret.

“Organizimi i primareve nga PD është risi  e bukur. Gara e hapur për këdo që ka dëshire e guxim të garojë është tregues që jemi në rrugëen e duhur dhe garantojnë pikërisht demokracinë e brendshme në PD.

LEXO EDHE:
Fier, i kërkoi favore seksuale klientes, hetohet në gjëndje të lirë avokati! Polici i burgut rrihet me sende të forta

Personalisht zotohem se do të pranoj dhe respektoj rezultatin e zgjedhjeve që do dalin nga këto primare brenda PD-së, jam besimplotë se kushdo qoftë kandidati që do të ballafaqohet në betejën e vitit 2023, gëzon respektin dhe mbështetjen e bazës dhe bashkëqytetarëve të Fierit”-tha Mahmutaj gjatë deklaratës së tij.

Kujtojmë se dje, ka qenë, Edvar Kodheli i pari që ka shpallur kandidaturën e tij në primaret për bashkinë e Fierit, duke deklaruar se ishte gara ajo që do të përzgjidhte më të mirin.

Rendit zhvillimet sipas orarit:

Të Fundit Të Parat

B.V/SI.E./Shqiptarja.com

TAG:
• primaret e berishes
• Fier
• Artur Mahmutaj