Rama në Berat foli për zhvillimin që Berati ka pësuar ndër vite në turizëm, ku tha se nga 30 mijë turistë është bërë me 1 milionë turistë në 2024. Më tej ai ka 'shigjetuar' partinë e Metës, duke thënë 'se kalonin sa andej këndej deri sa i plasi stomaku nga oreksi i madh'. 

Rama është ndalur në Kuçovë ku ka folur për drejtësinë, duke thënë se është pika themelore për të hyrë në BE. Kreu i PS-së tha se ka një rrezik real për shpërbërjen e drejtësisë dhe se ai është i vetmi garant për ruajtjen e saj. Kryesocialisti nuk kurseu ironitë për deklaratat e Alizotit nga Elbasani, duke thënë se, kur i dëgjon tek flasin në atë mënyrë, e meritojnë t’u thuash çyrykë.

Teksa ndodhet në Berat, kryeministri Edi Rama vizitoi sot studion e skulptores beratase Llambrini Dëna. Ai shkruan se gjithçka artizanale që bëhen në këtë studio, e bëjnë të denjë për t’iu servirur turistëve të shumtë që vijnë në Beratin e UNESCO-s.

Kryesocialisti Edi Rama tha nga qarku i Beratit se kontrata e lobimit që po bëhet për të hequr njollën e non gratës së Sali Berishës, mund t’i shërbente realizimit të programit të opozitës. Për të, partitë e reja i përngjajnë ish LSI-së, e njohur për pazaret politike me dy forcat e mëdha politike.

Prokuroria e Beratit ka kërkuar 6 vite burg për Romeo Oçon, i akuzuar për ngacmim seksual. Sipas organit të akuzës, ky person ka ngacmuar një të mitur në nëntor të vitit të kaluar. 

Gjatë 2 javëve të fundit, është arrestuar 1 shtetas, për drejtim të mjetit, në ndikimin e alkoolit, gjithashtu, janë proceduar në gjendje të lirë 4 shtetas për drejtim të mjetit, pa leje.

Në një postim të tij në rrjetet sociale, Meta theksoi se opozita është tashmë në ofensivë të pandalshme dhe se çlirimi i Shqipërisë nga Narkoshteti do të jetë shumë i afërt. Meta ka shprehur mbështetjen për kandidatin Lefter Maliqit, duke e quajtur besimin e tij të patundur në fitoren e opozitës.

Nga një takim elektoral në Kuçovë, Berisha foli shkurt për kontratën, duke thënë se Rama është tmerruar se Partia Demokratike ka marrë avokatin e Donald Trump si avokat të votës së shqiptarëve, por këtij të fundit nuk i tregoi se cili është burimi i kësaj shifre të kamur. Demokratët e Kuçovës kishin zgjedhur ta prisnin Berishën me një këngë polifonike të dedikuar, ku përmendnin edhe LaCivitan. Më tej, Berisha vazhdoi duke folur për problemet e fermerëve.

Një çift turistësh ka tërhequr vëmendjen në qytetin e Beratit, teksa kërcenin me këngën e fushatës së Partisë Socialiste. Çifti i turistëve shihet duke kërcyer në sheshin e qytetit, aty ku u zhvillua më herët edhe takimi i kryesocialisti Edi Rama me gratë dhe vajzat.