Ekspozita imersive “Rilindja Italiane” çelet mbrëmjen e 20 dhjetorit, në orën 19:00 te “Galeria e Arteve Digjitale” në Korçë. Ekspozita ju vendos mes kryeveprave të Da Vincit, Michelangelos, Botticellit etj., duke ju bërë pjesë të një spektakli që nuk i përket vetëm syrit, por edhe shpirtit.
Koncerti i jazz-it turk “Fllade nga Anadolli” do të mbahet në 21 dhjetor në orën 18:30 në sallën “Black Box” të Universitetit të Arteve në Tiranë.
Një takim i hapur me studiuesen e artit Nea Tandini është aktiviteti “Quel Scandale – Carmen, e përdala rebele që vrau Bizet, kompozitorin e saj”, që do të mbahet më 21 dhjetor në orën 18:00 në Destil Creative Hub në Tiranë.
