Të ftuar në 'Studio Live', Emiljo Cika dhe eksperti i sigurisë Akri Çipa analizuan zhvillimet më të fundit gjeopolitike dhe ndikimin e tyre në rajon. Ata folën për hapat e Shqipërisë drejt integrimit europian, duke theksuar se Franca po ngadalëson procesin për Malin e Zi, ndërsa zgjerimi i BE-së po ecën me ritme të ngadalta. Në fokus ishte edhe rreziku nga Rusia, me paralajmërime për rritje të buxhetit ushtarak dhe lëvizje shqetësuese në Europë e Ballkan. Çipa u ndal gjithashtu te lufta në Ukrainë, duke theksuar se fundi i saj mbetet ende larg, si dhe te orientimi i Serbisë, që sipas tij po lëviz gjithnjë e më hapur drejt Rusisë, në kundërshtim me Bashkimin Europian.