Çfarë po ndodh në Shkodër? Epidemia po hap vatra të reja!

17 Prill, 19:34

Shkodra e pabindur ndaj Covid 19 shënon raste te reja me Covid-19 duke e renditur të parin qytet në hartën e të prekurve me koronavirus në vendin tone. 11 raste të reja në Shkodër, ndër të cilët dy punonjëse fasonerie dhe një vatër e re në Kryebushat. Ardian Dajti drejtor i Spitalit Rajonal të Shkodrës, në një lidhje skype në emisionin 'Repoltix', në Report Tv u shpreh se deri tani janë kryer 109 testime, ku në dijeninë e tij janë 5 infermierë të infektuar, të cilët bashkë me kolegët e tjerë që kanë rezultuar negativ janë në vetkarantinim.''Deri tani janë bërë 109 testime. Kemi 5 infermierë të infektuar që janë në karantinë, bashkë me infermierët e tjerë që kanë rezutuar negativ, por janë në karantinë. E paraqitur në aspektin e një drejtuesi ka diçka që mund të na inkurajojë, nga vatrat ku janë nisur po gjenden rases për te tjerë. Kemi edhe persona që janë shëruar. Kemi edhe të sëmurë që nuk kanë lidhje me virusin, ndërsa të infektuarit i kemi dërguar në Tiranë. Vizitat, anlizat janë kufizuar me urdhër nga qeveria ndërsa urgjenca është aktive. 120 pacienët kanë bërë kontrolle në Spitalin e Shkodrës, për vizita të ndryshme, në 24 orët e fundit. Nuk mendoj se duhet të ketë ndjenjë paniku, pasi jemi përgjigjur për gjithcka''-deklaroi drejtori i Spitalit Rajonal në Shkodër.250 efektive në Shkodër shtojnë prezencën e uniformave blu në këtë qytet. Gazetari ynë Ergys Kavaja, gjatë një lidhje të drejpërdrejtë tha se vatrat e reja po lidhen si rezultat i infektimit të familjarëve nga pacientët e prekur. Ndërsa theksoi ndryshe nga drejtori i Sptalit Rajonal, se nuk janë 5 por 7 infermierë të prekur me koronavirus. Ndaj kjo ka shtuar edhe më shumë numrin e rasteve në qytetin verior.

Programe të tjera

Shiko të gjitha