Paneli i parë që çeli dhe punimet e Samitit të Diasporës, “Diaspora dhe demokracia përfaqësuese në hapësirën shqiptare: Nga vota te përfaqësimi institucional”, nuk kaloi pa tensione gjatë bashkëbisednimit me panelistët dhe të pranishmit në sallë. Eva Baçi, një shqiptare që jeton në Bolonjë prej 25 vitesh ku është shkolluar dhe punon si juriste, kritikoi politikat aktuale në Shqipëri, duke thënë se pavarësisht dëshirës së emigrantëve për tu kthyer në vendlindje, mungojnë hapësirat reale për përfshirje.
