TIRANË- Sekretari i Përgjithshëm i Partisë Demokratike, Gazment Bardhi ka deklaruar se Prokuroria ka konfirmuar akuzat e PD-së për arrestimin në Greqi të kryebashkiakut të Vorës, Agim Kajmaku për falsifikim parash. Në një dalje për mediat nga selia blu, numri dy i PD-së tha se nga krahasimi i shenjave të gishtërinjve është vërtetuar se Agim Kajmaku është Jorgo Toto, emër që sipas pretendimeve të PD-s ka përdorur Kajmaku kur ishte në Greqi.
Bardhi kërkon shkarkimin nga detyra të Kajkmakut, sipas së cilit gjatë kohës kur ishte në Greqi si "Jorgo Toto" ka bërë biznes me pala false dhe për këtë vepër penale është shpallur në kërkim nga policia greke dhe kur ka ardhur në Shqipëria ka ndryshuar emrin, duke e fshehur në formularin e dekriminalizimit dënimin."Agim Kajmaku u përpoq të mashtronte opinionin publik. PD solli fakte të pakundërshtueshme që Jorgo Toto i arrestuar në Greqi ishte kandidati i Ramës për Vorës. Sot denoncimi është provuar zyrtarisht nga Prokuroria, ku ka provuar denoncimin e PD. Rezulton që Interpol Tirana ka sqaruar se nga Interpol Athinë,nga krahasimi i gjurmëve të Agim Kajmakut ka përputhshmëri me Jorgo Toto. Më tej prokuroria ka sqaruar se Agim Kajmaku, kandidat i Ramës në Vorë, është i njëjti person me Jorgo Toton. Konfirmohet nga TIMS.Konfirmohet se Agim Kajamku ka patur dijeni se ka qenë në hetim në Greqi dhe se ndaj tij kishte proces gjyqësor në Greqi. Nga ana tjetër rezulton se ai ka kryer veprime për fshehjen e këtij fakti duke ndryshuar emrin e mbiemrin por as nuk ka deklaruar tek dekriminalizimi. Agim Ymer Kajmaku përfshihet. Pas vendimit të Prokurorisë, është rrëzuar. Rama nuk ka vullnet për të luftuar krimin pasi pushtetin e ka në lidhje me krimin. Të shkarkojë menjëher nga detyra, Agim Kajmakun i cili është arrestuar dhe ka qenë në kërkim ndërkombëtar për një krim në Greqi ku duhej të dënohej deri në 10 vjet." ka thënë ndër të tjera Bardhi.