SHBA-Një zjarr në Hamtramck të Miçiganit u ka marrë jetën dy personave, ndërsa njëri prej tyre dyshohet se është shqiptar.
Sipas medieve, një banesë u përfshi nga flakët duke u djegur dje në Hamtramck, ndërsa trupat e viktimave u gjetën në katin e dytë.
Fqinjët thonë se banesa ishte e braktisur prej disa vitesh, ndërsa aty jetonte një i pastrehë me emrin Toni rreth moshës 40-vjeç me origjinë shqiptare.
Një nga zjarrfikësit citohet të ketë thënë se endacaku ‘ishte përpjekur të rregullonte një hapësirë të ngrohtë në pjesën e sipërme të shtëpisë’ pas uljes së temperaturave. Por ende nuk dihen zyrtarisht shkaqet e zjarrit.