Gjatë fjalës së tij në Foltoren e Lezhës, Salianji kritikoi faktin se pavarësisht sakrificave të demokratëve dhe skandaleve të përditshme të qeverisë, PD vazhdon të mbetet në opozitë. Ai kërkoi llogari për përgjegjësitë, duke pyetur se kush e ka fajin për vjedhjen e përsëritur të zgjedhjeve, për hartimin e listave të PD-së dhe për humbjet, që sipas tij, në disa qarqe “sfidojnë edhe matematikën”.
