Pronari i “Frigo food” Albania Sokol Meqemeja evidentohet në dosjen e SPAK ndaj Arben Ahmetaj si pjesëmarrës në transaksionet me të cilat ish-zv.kryeministri ka fshehur origjinën e disa prej pasurive të tij. Sipas prokurorisë, biznesmeni i ka dhënë 140 mijë euro Arben Ahmetajt, përmes skemave të shitjeve fiktive të apartamenteve. Shuma dyshohet të jetë shpërblim për përfshirjen e kompanisë së Meqemesë në aktivitetin e inceneratorit të Fierit.