Brenda pak orësh rreth 5 mijë fermerë aplikuan për të përfituar nga skema e bujqësisë për këtë vit, me vlerë 5.2 miliardë lekë. Ministri Andis Salla sqaroi në një konferencë se aplikimet bëhen online ose në agropika, ndërsa afati është deri më 25 qershor. Ai u bëri thirrje fermerëve që të bashkohen për të rritur prodhimin si dhe për të përfituar më shumë para, me më pak kosto.
