ITALI- Detaje të reja janë zbuluar nga ngjarja tragjike e ndodhur në një diskotekë në Ancona, ku 6 persona humbën jetën, ndërsa 59 mbetën të plagosur.
Autoritetet italiane kanë nisur nga puna për gjetjen e autorit. Prej disa orësh në rrjetet sociale po qarkullon një foto e një djali me kapele të zezë, i cili mendohet të jetë banor i zonës.
“Kush e njeh të tregojë. Ky person shkaktoi tragjedinë. Shpërndajeni foton sa më shumë,”-shkruhet në foton e shpërndarë në rrjetet sociale.
Dyshohet se ngjarja ndodhi si pasojë e përhapjes së një spraji djegës në ajër, dhe turma në përpjekje për të shpëtuar lëvizi e tëra në një drejtim. Të gjithë të pranishmit, të cilët mendohet se arrijnë shifrën e mbi 1000 personave u mbështetën pas një kangjelle të ndryshkur, e cila nuk arriti të mbante peshën e tyre. Si pasojë të rinjtë kanë rënë mbi njëri-tjetrin duke gjetur edhe vdekjen.
Të rinjtë ishin mbledhur në diskotekë për të ndjekur koncertin e reperit të njohur dhe shumë të pëlqyer nga të rinjtë italian, Sfera Ebbasa