Kompanitë e naftës dhe fabrikat e vajit të ullirit që operojnë përgjatë rrjedhës së lumit Gjanica po inspektohen nga Agjencia e Mjedisit në Fier. Kompania shtetërore e naftës “Albpetrol” dhe ato private “Terra Oil” dhe “Al Global” dyshohet se shkarkojnë mbetjet hidrokarbure në Gjanicë, por kjo do të provohet me analizat e ujit në vend-shkarkim. Sakaq në sezonin e vjeshtës shtohen afro 10 fabrika të vajit të ullirit të cilat gjithashtu i derdhin mbetjet në lumë.
