Laboratori i heroinës në Has / Pjesa e dytë

Në studion e emisionit ‘Repolitix’ mbrëmjen e sotme u diskutua për laboratorin e heroinës që u sekuestrua në Has. Ish-drejtori i Burgjeve dhe deputet i PS, Arben Çuko u shpreh se zona në Has është zgjedhur nga trafikantët, pasi është afër Kosovës.  

Dislokimi i laboratorit në atë fshat e shikoj në një këndvështrim tjetër. E kanë çuar atje që të jenë afër rrugëve, afër Kosovës.

Lumi i madh i trafiqeve nuk kalon nga Shqipëria, këtu kalon një përrua i vogël. Me akuzat e Berishës vetëm mund të qeshësh me të madhe. Më vjen keq për opozitën, nuk rrëzohet qeveria me fabrikime të Babaleve.

Arben Çuko

Heroina në laboratorin që u sekuestrua në Has vinte nga Lindja, ndërsa dyshohet se itinerari ishte; Turqi- Bullgari-Serbi- Kosovë-Shqipëri, ku përpunohej dhe paketohej për tú trafikuar më pas në vendet e BE-së.

Opiumi është një lloj bime që ka formën e një lulëkuqe dhe farat e saj janë baza për prodhimin e heroinës. Kjo lule nuk është kultivuar këtu sepse Shqipëria nuk ka klimë për t’u rritur. Ajo është sjellë nga jashtë, ndërsa si një nga vendet kryesore të prodhimit njihet Afganistani.

Programe të tjera

Shiko të gjitha