Protestat dhe akuzat e opozitës për dhunë policore sollën debate edhe në Komisionin e Ligjeve, ku deputeti demokrat Oerd Bylykbashi kërkoi hetimin e të gjithë zinxhirit drejtues të Policisë së Shtetit dhe vetëshpërndarjen e Parlamentit. Deputeti socialist Ulsi Manja iu përgjigj duke e cilësuar selinë e Partisë Demokratike si një “seli dhune” dhe kërkoi që të dënohet dhuna nga të gjitha palët.
