Në qytetin e Pogradecit prej qindra vjetësh artizanati është ndër zgjedhjet e preferuara të punës për qindra njerëz. Veri Jug ju sjell në shtëpinë e artizanes Margarita Laçka, e cila end në tezgjah qilima të mrekullueshëm dhe velenxa me thekë të gjata, një zanat punë që e ka mësuar nga nëna dhe vjehrra e saj. Njihuni me sekretet e punës së endjes së qilimave, puna me fillin e leshit, ngjyrosja dhe më pas larja në distilë në qytezën e Maliqit. Më pas, udhëtim drejt fshatit Tushemisht, ndalesë në “Shtëpinë e duarve të arta” - një qendër për grumbullimin e punëve të dhjetra grave artizane nga Pogradeci dhe fshatrat rreth tij. Mjeshtre Margarita tregon disa shporta të thurura me kashtë, një zanat pune që e ka mësuar kur ishte e re dhe paketa me bimë medicinale që ajo I mbledh në Malin e Thatë në stinën e verës. A është zanati I tezgjahistes një punë me të cilën mund të mbash ekonominë e familjes. A ka porosi dhe kërkesa për velenxat me thekë të gjata. Këto dhe pyetjeve të tjera do t’ja merni përgjigjen në reportazhin “Margarita Laçka, artizania e duarve të arta”. Të djelën, me moderatorin e emisioneve Veri Jug, gazetarin Agim Pipa.
