Meta falenderon italianin që na emocionoi të gjithëve me gjestin e tij: Të ndjejmë pjesë të familjes shqiptare

7 Prill 2020, 12:08

Emisioni 'Storie Italiane' në Rai Uno, i dha edhe një herë zë gjestit të Shqipërisë që ndihmoi Itlaianë fqinje në këto ditë të vështira me 30 mjekë dhe infermierë. Një mirënjohje e shprehur në formën më të bukur, ishte ajo e një qytetari italian që doli na ballkon dhe me flaut luajti himnin shqiptar.

Ai quhet Marcelo, dhe në emisionin "Storie Italiane" mori falenderimin e drejtpërdrejt të Presidentit Ilir Meta.Në një lidhje direkte nga zyra e tij për Rai Uno, Meta u shpreh në gjuhën italiane: Mirëdita nga Tirana. Marcelo, faleminderit që këndove himnin e Shqipërisë. Të ndjejmë pjesë të së njëjtës familje shqiptare. Shqipëria e Italisë, shqiptarë italiane, do t'ia dalim, forca dhe kurajë për të rinjtë për familje, për të ardhmen e shteteve tanë. Ju uroj gëzuar pashkët të gjithë shqiptarëve. Rroftë Shqipëria, rroftë Italia".