Pjesë muzikore nga kompozitorë të njohur si Vivaldi, Sarasate, Acolay dhe Kreisler kanë sjellë një atmosferë të ngrohtë në sallën e Pallatit të Kulturës në Lezhë gjatë koncertit të parë recital të violinistes së re, Melisa Figuri.
Interpretimi i saj u shoqërua nga Orkestra e Harqeve e Radio Televizionit Shqiptar nën dirigjimin e Gridi Krajës.
“Publiku është shumë i dashur! Ne luajtëm me një violinist që luan në mënyrë të shkëlqyer dhe premton shumë për të ardhmen”, tha dirigjenti.



















