DURRËS- Sot në mesditë i është dhënë lamtumira e fundit arkitektit të njohur durrsak Hajdar Kovaçi. Ai humbi jetën dje në sanatoriumin e eTiranës ku ndodhej i shtruar i prekur nga virusi COVID-19.
Të afërm, miq e shokë të të ndjerit u mblodhën në sheshin para bashkisë së Durrësit ku u zhvillua edhe ceremonia mortore e ndarjes me të ndjerin.
Më pas makina mortore u përcoll me duartrokitjet e pjesëmarrësve dhe u nis në drejtim të varrezave të qytetit e shoqëruar nga familjarët e të ndjerit.
Kovaçi ka lënë një trashëgimi ta pasur veprash në qytetin e Durrësit. Të tilla janë godina e prefekturës në qendër të qytetit apo kompleksi pallateve 6-katësh në hyrje të Durrësit pa përmendur hotele e pallate pas viteve '90.