Ndërsa Kosova po hyn në orët e fundit të pritjes për vendimin e Gjykatës Speciale ndaj Hashim Thaçit, Kadri Veselit, Jakup Krasniqit dhe Rexhep Selimit, flamujt e UÇK-së po shfaqen në gjithnjë e më shumë institucione dhe hapësira publike.

Pas shesheve, rrugëve dhe ndërtesave, nga sot flamuri i UÇK-së është vendosur edhe në xhamitë në mbarë Kosovën. Vendimi është marrë nga Bashkësia Islame e Kosovës, e cila ka urdhëruar që të gjitha strukturat dhe institucionet e saj të stolisen me flamurin e UÇK-së.