TIRANE-Partia Demokratike, përmes deputetit të zgjedhur Enkelejd Alibeaj denoncoi se si sipas tyre një personazh i kallëzuar prej tyre në SPAK për vjedhje votash më 25 prill ka fituar tender nga bashkia e Tiranës dhe ka marrë një leje për ndërtim resorti në Velipojë nga Këshilli Kombëtar I Territorit me firmë të Edi Ramës.
Sipas Alibeaj fill pas asaj që ai e quan masakër zgjedhore, 'si shpërblim për shërbimet e tij ndaj Ramës, trafikanti Pëllumb Gjoka, përfiton pa garë nga Bashkia Tiranë tenderin me objekt “Shërbim mirëmbajtje dhe furnizim me solucion për tunelet e dezinfektimit”, me vlerë kontrate 204 mijë euro (95% e fondit limit).





