Përplasja me armë zjarri në Kallmet të Lezhës, Prokuroria kërkon 12 vite burg për ish kreun e Njësisë Administrative dhe 28 vite për Altin Markun

4 Dhjetor 2024, 12:05 | Përditesimi: 4 Dhjetor 2024, 12:05

Prokuroria e Lezhës ka dhënë pretencën në lidhje me përplasjen me armë të ndodhur në muajin prill të vitit 2022 në fshatin Kallmet, ku u përfshi dhe ish kreu i Njësisë Administrative Besnik Simoni.

Për këtë të fundit është kërkuar deklarimi fajtor dhe dënimi me 12 vite burg, për veprat penale "Vrasje e mbetur në tentativë" dhe "Mbajtja pa leje dhe prodhimi i armëve, armëve shpërthyese dhe municionit".

Ndërsa Altin Marku rrezikon dënimin me 28 vite burg për veprat penale "Vrasje e mbetur në tentativë" dhe "Mbajtja pa leje dhe prodhimi i armëve, armëve shpërthyese dhe municionit".

r.k./Shqiptarja.com